اسلام آباد (اے پی پی) پاکستان سیٹیزن پورٹل (پی سی پی)تے وزیراعظم کورونا ریلیف ٹائیگر فورس کیتے ساڈھے 9 لکھ لوک رجسٹرد تھی گین،اے فورس کرونا وائرس بحران اچ ریلیف اتے مادادی سرگرمیاں کیتے بنڑائی گئی اے۔کورونا ریلیف فورس دے ویب پورٹل موجب انہاں رضاکاراں اچ 6 لکھ20 ہزار پنجاب، ہک لکھ 40 ہزار سندھ،ہک لکھ 30 ہزار خیبر پختونخوااتے اسلام آباد، بلوچستان، آزاد کشمیر، گلگت بلتستان توں 45 ہزارلوکاں رجسٹریشن کرائی اے۔رجسٹریشن مکمل تھیونڑ تے رضاکاراں دی تفصیلات پاکستان سٹیزن پورٹل تے لا ڈتیاں ویسن۔اے فہرست متعلقہ ڈپٹی کمشنرزکولو ہوسی جیڑھے لوڑھ پوونڑ تے انہاں رضاکاراں دی خدمات گھنسن۔ایں سانگے ضلع، تحصیل اتے یونین کونسل سطح تے کمیٹیاں بنڑایاں ویسن۔
پاکستان سیٹیزن پورٹل تے وزیراعظم کورونا ریلیف ٹائیگر فورس کیتے ساڈھے 9 لکھ لوک رجسٹرد تھی گین
