قوماں کوں اوندے وسائل نئیں ،عزم اتے اعتماد اگو تے گھن تے ویندے،کرونا وائرس ساکوں اپنڑے پیریں تے کھڑا تھیونڑ سکھا ڈتے،وزیراعظم عمران خان
اساں بنھاں تے انحصار کرنڑ دی بیماری دا شکار ہیں،اپنڑا میڈیکل سٹرکچر ٹھیک کرنڑ دی لوڑھ اے،جیڑھا ملک جوہری ہتھیار بنڑا سگدے اوندے کیتے وینٹی لینٹر بنڑاونڑ کیہڑا اوکھا اے
وزیراعظم عمران خان دی اسلام آباد اچ کامسٹیک دے طبی آلات دی نمائش اتے تقریب نال خطاب
اسلام آباد (اے پی پی)وزیراعظم عمران خان آکھیے جو قوماں کوں اوندے وسائل نئیں ،عزم اتے اعتماد اگو تے گھن تے ویندے،کرونا وائرس ساکوں اپنڑے پیریں تے کھڑا تھیونڑ سکھا ڈتے،اپنڑا میڈیکل سٹرکچر ٹھیک کرنڑ دی لوڑھ اے،جیڑھا ملک جوہری ہتھیار بنڑا سگدے اوندے کیتے وینٹی لینٹر بنڑاونڑ کیہڑا اوکھا اے۔اے گالھ وزیراعظم عمران خان اسلام آباد اچ کامسٹیک دے دورے ویلھے تقریب نال خطاب کریندے آکھی۔انہاں کامسٹیک اچ طبی آلات دی نمائش ڈٹھی اتے ایندے تے وزیر سائنس و ٹیکنالوجی فواد چوہدری اتے اتے زبیدہ جلال کوں مبارک ڈتی جو وزارت سائنس و ٹیکنالوجی اچ ودھ صلاحیت موجود اے۔
وزیراعظم آکھیے جڈاں قوم اپنڑے تے اعتماد کرنڑ لگ ونجے تاں اوکوں اگو تے ودھنڑ توں کوئی نئیں ڈک سگدا،کوئی وی اوکھ اوندے اگو کجھ نئیں ہوندا۔وزیراعظم آکھیے جو کرونا وائرس پاروں اے گالھ پتہ لگی اے جو وینیٹی لیٹرز دی کمی اے ،ضروری نئیں جو ہر شئے برآمد کیتی ونجے،اساں سوچ گھدے جو اپنڑے وینٹی لیٹرز بنڑاون،اے سینیٹائزر،جراثیم کش آلات اساں باوی کروڑ لوکاں کیتے کیویں مُلھ گھن سگدے ہیں؟اساں نالج اکانومی اچ ترقی کیتی اے نہ تعلیم تے پیسہ لائے اتے نہ اے سوچے جو اساں آپ وی کجھ بنڑا سگدے ہیں،اساں بنھاں تے انحصار کرنڑ دی بیماری دا شکار ہیں۔انہاںا ٓکھیے جو اگیں صاحب اقتدار لوک عوام دے پیسے تے بیرون ملک علاج کیتے ٹر ویندے ہن،اج او باھرو نئیں ونج سگدے کیوں جو اتھاں ودھ خطرہ اے،ایندے نال ثابت تھئے جو اساں اپنڑا نظام صحت ٹھیک کرنڑے،صحت تے سرمایہ کاری کرنڑی اے،جے تئیں اساں آپ اتے وزرا اتھائیں علاج نہ کرویسن او تئیں سرکاری ہسپتال ٹھیک نہ تھیسن۔
وزیراعظم آکھیے جو کرونا امیر غریب نئیں ڈیہدا،کہیں کوں وی لگ سگدے،لاک ڈاون دا فیصلہ تاں کر گھدا گئے بھل کہییں اے نئیں سوچیا جو غریب دی گذران کیویں تھیسی؟بھارت دا سٹرانگ مین مودی ایڈا ڈرپوک نکلیے جو بغیر سوچے سمجھیے سارا ملک بند کرڈتے بھل اساں غریب اتے ڈیہاڑی دار وی خیال رکھنڑے
