وزیراعظم عمران خان کورونا وائرس دی وباءپاروں بے روزگار تھیونڑ آلے لوکاں کیتے احساس ایمرجنسی کیش فراہمی پروگرام دا اجراءکرڈتا، ڈاکٹر ثانیہ نشتر دی بریفنگ
اسلام آباد ۔ وزیراعظم عمران خان کورونا وائرس دی وباءپاروں بے روزگار تھیونڑ آلے لوکاں کیتے احساس ایمرجنسی کیش فراہمی پروگرام دا اجرا کرڈتے ۔ ایں حوالے نال خصوصی تقریب منعقد کیتی گئی ۔وزیراعظم دی معاون خصوصی برائے تخفیف غربت وسماجی تحفظ ڈاکٹر ثانیہ نشتر نے وزیراعظم کو ں پروگرام متعلق بریفنگ ڈتی ۔
ایں موقع تے وزیر اعظم بے روزگار تھیونڑ آلے لوکاں توں انہاں دے مسئلے پچھے تے انہاں دے مسئلیں کوں حل کرنڑ دا یقین ڈیوایا ۔کوونا ریلیف فنڈ دے تحت ہنڑ تئیں 3 ارب روپے توں ودھ فنڈ کٹھے تھی چکئن ۔ وزیراعظم دی ہدایات دے مطابق ایں فنڈ اچ عطیہ کیتے ونجنڑ آلے ہر ہک روپے تے حکومت چار روپے آپنڑی طرفوں ڈیسی ۔ کورونا ریلیف فنڈ اچ عطیات اتے ایں فنڈ نال رقماں دا اجرا پورے شفافیت نال کیتا ویندا پئے ۔ ایں ضمن اچ فنڈ دی ساری تفصیلات مندرجہ ذیل ویب سائٹ https://www.pass.gov.pk/ecs/uct_all.html تے ڈٹھی ونج سگدی اے ۔
APP
