توشہ خانہ کیس اچ عمران خان دی نا اھلی معطل کرݨ دی استدعا مسترد
اسلام آباد ھائی کورٹ نے توشہ خانہ ریفرنس اچ سابق وزیر اعظم تے چیئرمین پاکستان تحریک انصاف (پی ٹی آئی) عمران خان دی نا اھلی معطل کرݨ دی استدعا مسترد کریندے ہووے الیکشن کمیشن کوں حلقہ این اے ٩٥ میانوالی تے ضمنی انتخاب کرواوݨ توں روک ڈیتا۔
اسلام آباد ھائیکورٹ دے جسٹس عامر فاروق نے توشہ خانہ ریفرنس اچ عمران خان دی نا اھلی دیکلاف درخواست تے سماعت کیتی ، پی ٹی آئی چیئرمین دی طرفوں بیرسٹر علی ظفر تے علی گوہر عدالت اچ پیش تھئے۔ سماعت دے آغاز تے عمران خان دی اپیل اچ دستاویزات ریکارڈ دا حصہ بنڑاوݨ دی متفرق درخواست منظور کر گھیدی گئی۔
دروان سماعت بیرسٹر علی ظفر نے دلائل ڈیندے ہووے آکھیا کہ الیکشن کمیشن نے درخواست گزار کوں ڈی سیٹ کر ڈیتا۔
عدالت نے استفسار کیتا ک درخوست گزار کوں نشست تے ڈی سی کیتا گئیا ؟ بیرسٹر علی ظفر نے جواب ڈیتا کہ درخواست گزار کوں حلقہ این اے ٩٥ میانیوالی توں ڈی سیٹ کیتا گئیا ھا ۔ عدالت نے استفسار کیتا کہ اے ریفرنس اسپیکر قومی اسمبلی ٦٣ (٢) دے تحت آیا ھا ؟ بیرسٹر علی ظفر نے جواب ڈیتا کہ اسپیکر قومی اسمبلی دی طرفوں ریفرنس آیا تے الیکشن کمیشن دا آرٹیکل ٦٣ پی دے تحت نا اھلی کیتی۔
#imrankhan
#court
#islamabad
