دہشت گرداں ڊی مالی معاونت ڊء کیس ءچ جماعت الڊعوۃ ڊءِ ٤ رہنماواں تے فرڊ جرم عائد
لاہور، انسداد دہشت گردی نے دہشت گرداں دی مالی معاونت دے کیس ءچ حافظ عبدالرحمان مکی سمیت جماعت الدعوٰۃ دے دیگر ٣ رہنماواں تے فرد جرم عائد کر ݙیتے ۔
اخباری رپورٹ دے مطابق عبدالرحمان مکی تے ݙوجہے رہنماواں ملک ظفر اقبال ، یحیی عزیز تے عبدالسلام دی طرفوں صحت جرم توں انکار کیتا گئیا ھِ جیندے بد عدالت نے استغاثے کوں ١٠ جون تک گواھان کوں پیش کرݨ دی ھدایت کر ݙیتی ۔
خیال رھاوے کہ جماعت الدعوۃ دے انہاں رہنماواں دی عدالت ءچ پیشی دے موقعے تے سخت حفاظتی انتظامات کیتے گئے ھن ۔ محکمہ انسداد دہشت گردی (سی ٹی ڈی) دا سال ٢٠١٩ ءچ لاہور ، گوجرانوالہ، ملتان ، فیصل آباد ، ساھیوال تے سرگودھا دے تھانڑیاں ءچ جماعت الدعوۃ دے سربراہ حافظ سعید تے دیگر رہنماواں دیخلاف ٢٣ ایف آئی آر درج کیتیاں گئیاں ھن۔
سی ڈی ٹی دی طرفوں انہاں تے مدارسیاں تے مسیتاں دی زمیناں کوں دہشت گرداں دی مالی معاونت کیتے استعمال کرݨ دا الزام لایا گیا ھا، ایں توں پہل حافظ سعید تے دیگر ملزمان دے نال گھٹ توں گھٹ ٥ بئے کیساں ءچ فرد جرم عائد کیتی گئی ھائی تاہم ملزمان دی طرفوں تمام الزامات کوں بے بنیاد قرار ݙیندے ہووے دعوی کیتا گئیا ھا کہ حکومت نے بین الاقوامی دباو دے پاروں اے مقدمات کیتے۔ فروری دے مہینے ءچ عدالت نے ایہو جئے ٢ مقدمات ءچ سعید تے ملک ظفر اقبال کو ھر کیس ءچ ساڑے ٥ سال قید بامشقت دی سزا سنڑائی ھائی۔
عدالت دی طرفوں ݙونہاں رہنماواں کوں انسداد دہشت گردی ایکٹ ١٩٩٧ دی شق ١١ این دے تحت سزا سنڑائی گئی ھائی تے ھر ھک کوں ٥ سال قید بامشقت تے ١٠ ھزار جرمانہ عائد کیتا گئیا ھا ، جبکہ شک ١١ ایف ٢ دے تحت ٦ مہینے مزید قید بامسقت تے ٥ ہزار روپے جرمانہ عائد کیتا گئیا ھا ۔ واضح رھاوے کے اے ݙونہیں کیس گوجرنوالہ ءچ رجسٹرڈ تھئے ھن۔
