سماجی رہنما عاصمہ جہانگیر 66 سال دی عمر اچ انتقال فرما گئی
سماجی رہنما عاصمہ جہانگیر 66 سال دی عمر اچ انتقال فرما گئی
لاہور(سرائیکی نیوز۔امجد حسین )-معروف قانون ڊان تے سماجی رہنما عاصمہ جہانگیر دا انتقال تھئی گئے، تفصیل دے مطابق معروف قانون دان تے سماجی رہنما عاصمہ جہانگیر 66 سال دی عمر اچ انتقال فرما گئی،عاصمہ جہانگیر کوں گزرن رات دل دا دورہ پئے جئیں وجہہ توں انہاں کوں ہسپتال منتقل کیتا گئیا ھا ، جئیں وجہہ توں او جانبر نا تھئی سکی۔ عاصمہ جہانگیر نے 27 جنوری 1952 کوں لاہور اچ اکھ کھولی، او سپریم کورٹ بار دی سابق صدر وی رہ چکی ھن۔ عاصمہ جہانگیر دی بھینڑ حنا جیلانی وی سماجی خدمات دے حوالے نال شہرت رکھیندی ھِ عاصمہ جہانگیر حدود آرڈیننس وانگوں اہم موضوع تے ریسرچ سمیت کئی کتاباں دی لکھاری ھائی۔عاصمہ جہانگیر انسانی حقوق دی سرگرم کارکن ھن انہاں نے عدلیہ دی بحالی تحریک اچ اہم کردار ادا کیتا، عاصمہ جہانگیر اپنڑی جی داری طبعیت دی وجہہ توں شہرت رکھیندی ھائی تے نہایت دلیر تے نڈر خاتون ھائی۔
