نیو یارک ۔ کیا دنیا دے سیاسی منظر نامے ءچ کوئی نویں تبدیلی تھیندی پئی ھِ ؟ طویل عرصے توں امریکی پابندیاں دا شکار ایران کوں واشنگٹن دی طرفوں نویں پابندیاں دی دھمکیاں دے بعد ݙو طاقت ور ملک چین تے روس میدان ءچ آ گئے ۔
برطانوی خبر رساں ادارے رائٹرز دے مطابق بیجنگ تے ماسکو اقوام متحدہ ءچ واشنگٹن دے دباو دا مقابلہ کرݨ کیتے متحرک تھئی گئے ھن ۔ امریکہ ایران تے ایٹمی معاھدے پاروں یکطرفہ علیحدگی دے باوجود نویں پابندیاں دی دھمکی ݙیندا پیا ھِ جئیں تے روسی وزیر خارجہ سرگئی لاوروف تے چین دے سینیئر سفارت کار وینگ یی نے ١٥ رکنی ممالک تے مشتمل سلامتی کونسل تے اقوام متحدہ دے سیکریٹری جنرل انتونیو گوٹریس کوں خط بھیجے ھن۔
جیندی ءچ روسی وزیر خارجہ نے لکھا کہ امریکہ دی طرفوں غیر ذمہ دارے تے بے ہودگی دا مظاہرہ کیتا گئیا ھِ جئیں کوں کہیں صورت قبول نی کیتا ونج سکدا۔ ݙوجہے پاسے چین دے سفارتکار نے ست جون دے خط ءچ لکھا کہ امریکا دے ایرانی جوہری معاھدے توں علیحدہ تھیوݨ دے عبد ھݨ او سمجھوتے دا فریق نی رھیا لہذا ھݨ ایندا کوئی حق نی کہ او سلامتی کونسل توں مطالبہ کرے کہ پابندیاں کوں جلد دوبارہ لایا ونجے۔ امریکا اے دھممکی ݙے شکا ھِ کہ اگر سلامتی کونسل نے ایران تے ہتھیاراں دی پابندی ءچ توسیع نہ کیتی تاں واشنگٹن ایران تے اقوام متحدہ دی پابندیاں دوباری لاوݨ کیتے سرگرم تھئی ویسی ۔ واضح رھاوے کہ ایرانی جوہری معاھدے دی رو نال روال سال اکتوبر ءچ تہران تے عائد ہتھیاراں دی پابندیاں دی مدت ختم تھیندی پئی ھِ
اقوام متحدہ ءچ امریکی سفیر کیلی کرافٹ نے گزریل ہفتے ڈسایا ھا کہ ہتھیاراں دی پابندی توں متعلق قرار داد دا مسوعدہ جلد ہی اسلامی کونسل دے ارکان ءچ تقسیم کر ݙیتا ویسی۔روس تے چین جو سلامتی کونسل ءچ ویٹو دا حق رکھیندے ہیں انہاں پہلے ہی عندیہ ݙے ݙیتا ھا کہ او ایران ءچ ہتھیاراں دی پابندیاں دے دوبارہ عائد کیتے ونجݨ دی مخالفت کریسن۔
