اسلام آباد ۔ پاکستان اچ برطانیہ دے ہائی کمشنر کرسٹن ٹرنر نیشنل ڈیزاسٹر مینجمنٹ اتھارٹی دے چیئرمین لیفٹیننٹ جنرل محمد افضل نال ملاقات کیتی تے پاکستان اچ کورونا تے تڈی دل نال پیدا صورت حال تے گال مہاڑ کیتی ۔ چیئرمین این ڈی ایم اے برطانوی ہائی کمشنر کوں کوویڈ اتے تڈی دل دے حوالے نال کیتے ونجنڑ آلے اقدامات بارے ڈسایا ۔
ایں موقع تے چیئرمین این ڈی ایم اے آکھیے جو پاکستان اچ کورونا دے ودھدے کیساں پاروں آئسولیشن بیڈز اتے وینٹیلیٹرز دی طلب ودھ گئی اے ۔ برطانیہ کووڈ دے مریضاں کےتے آکسیجن آلے بیڈز اتے بائی پیپ ونٹیلیٹرز دے حصول اچ معاونت فراہم کر سگدے۔ انہاں آکھیے جو برطانیہ توں تڈی دل دے سپرے کیتے مائیکرون سپریئرز دی وختی ترسیل کوں ممکن بنڑایا ویسی ۔ برطانوی ہائی کمشنر کورونا وباءدے تناظر اچ این ڈی ایم اے دے کردار دی تعریف کیتی تے آکھیا جو برطانوی حکومت پاکستان کوں اوکھے ویلھے ہر ممکن تعاون کریسی ۔
