اسلام آباد ۔ وزیراعظم دے مشیربرائے خزانہ ومحصولات ڈاکٹرعبدالحفیظ شیخ آکھیے جو وزیراعظم عمران خان پاکستان کیتے کم کرنڑ چاہندن،نٹ شیلز آن لائن کانفرنس ویلھے الیندے انہاں آکھیا جو میں ہنڑ تئیں 20 چیف ایگزیکٹوزنال کم کیتے جنھاں اچوں وزیراعظم عمران خان بہوں نویکلے شخص ہین جو او قوم اتے ملک کیتے کم کرنڑ چاہندن،او اپنڑے ٹبر یا سنگتیاں کوں ناجائز فیدہ نئیں ڈیونڑ دے حق اچ کائنی،او اپنڑے بالاں دا سیاسی کیریئر بنڑاونڑ دے خواہشمند کائنی،او صرف اپنڑے ملک اتے قوم کیتے سوچیندن اتے ایہا گالھ میکوں وی متحرک کریندی اے۔
ہک سوال دے ولدے اچ انہاںا ٓکھیے جو ماضی دی حکومت اچ ڈالردی مصنوعی قدر اتے جی ڈی پی کیتے پاکستان دے عوام دے ملکیتی ڈالراں کوںسٹ ڈتا ویندا ہا جیندی قیمت پاکستان دے عوام بھری اے اتے بھریندے پین۔ اے پی پی
