ٹڈی دل دیخلاف پاک فوج تے محکمہ زراعت دے اشتراک نال کچے دے متاثرہ علاقیاں ءچ آپریشن
وزارت قومی غذائی تحفظ تے تحقیق، محکمہ زراعت اتے پاک فوج دی 1288 سانجھی ٹیماں 40ضلعیاں دے متاثرہ علاقیاں اچ ٹڈی دل دے خلاف سروے اتے کنٹرول آپریشن کریندیاں پئن، نیشنل لوکسٹ کنٹرول سینٹر
اسلام آباد ۔ وزارت قومی غذائی تحفظ تے تحقیق، محکمہ زراعت اتے پاک فوج دی 1288 سانجھی ٹیماں 40ضلعیاں دے متاثرہ علاقیاں اچ ٹڈی دل دے خلاف سروے اتے کنٹرول آپریشن کریندیاں پئن۔ہنڑ تئیں 287976 مربع کلومیٹر (تقریباً7.11 کروڑ ایکڑ) رقبہ دا سروے کیتا گئے جڈانجو 6230 مربع کلو میٹر (تقریباً 15.39 لکھ ایکڑ) رقبہ اچ کنٹرول آپریشن کیتا گئے ۔سنوار کوں نیشنل لوکسٹ کنٹرول سینٹرولوں جاری تھی تفصیل دے مطابق پنجاب اچ گزریل چووی گھنٹیاں اچ 2.02لکھ ایکڑ تے سروے کیتا گئے ۔سروے اتے کنٹرول آپریشن اچ 2800توں ودھ بندے اتے 272گاڈیاں حصہ گھدے۔ہنڑ تئیں پورے صوبے اچ 1.5کروڑ ایکڑ تے سروے اتے 3.7لکھ ایکڑ تے کنٹرول آپریشن کیتا گئے ۔
