لاہور دے مختلف علاقیاں ءچ کل توں ١٥ ݙینھ تک لاک ڈاون رھاسی، یاسمین راشد
لاہور۔ وزیر صحت پنجاب یاسمین راشد دا آکھݨ ھا کہ کورونا وائرس دے کھینڈݨ ءچ تیزی دے پاروں رات ١٢ وجے توں لاہور تے کئے علاقیاں کوں بند کر ݙیتا ویسی۔
لاہور ءچ پریس کانفرنس کریندی ہووے یاسمین راشد نے آکھیا کہ لاک ڈاون ءچ نرمی دے بعد حکومت دی طرفوں اسٹینڈرڈ آپریٹنگ پروسیجرز (ایس او پیز) تے عملدرآمد کرواوݨ دی پوری کشش کیتی گئی تے ایندی خلاف ورزی تے دکاناں تے مارکیٹاں وی سیل کر ݙیتیاں گئیاں لوگ ول وی عمل نی کیتا۔
انہاں آکھیا کہ گزریل ٢ ݙینھ ءچ اساں ݙیٹھا کہ لاہور دے جئیں علاقیاں توں سبھ توں زیادہ کیس رپورٹ تھیندے پئن ایں حوالے نال مختلف احتیاطی تدابیر اپنڑایاں ویسن۔ وائرس دے زیادہ کھینڈ دی وجہہ توں ١٢ وجے دے بعد علاقیاں کوں بند کر ݙیتا ویسی ۔ انہاں آکھیا کہ لاہور ءچ شاھدری ، اندرون لاہور دے کجھ علاقے مزنگ ، شادباغ ، ہربنس پورہ ، گلبرگ ، لاہور کینٹ دے کجھ علاقے نشتر ٹاون دا بیشتر حصہ تے علامہ اقبال ٹاون ءچ کجھ شامل سوسائٹیاں کوں مکمل طور تے بند کر ݙیتا ویسی۔
صوبائی وزیر صحت آکھیا کہ انہاں علاقیاں ءچ کھاوݨ پیوں دی چیزاں ، فارمیسیاں تے کجھ کاروبار جیویں کہ حفاظتی طبی الات بنڑاوݨ والی فیکٹریاں کھلیاں رھاسن ، جنہاں دی فہرست لا ݙیتی ویسی ۔ جیندا اطلاق کل ١٢ ونے توں ہوسہ۔ انہاں آکھیا کہ کمشنر لاہور تے سی سی پی او لاہور دی مدد نال ایں حکم تے عملدرآمد کرایا ویندا پیا ھِ ۔
