اسلام آباد ءچ نویں مندر دی تعمیر لیکن پندرہ سالہ پرانڑی مسیت ڈھا ݙیتی

اسلام آباد ، ماڈل ٹاون اسلام آباد ءچ ١٥ سال توں ودھ عرصے پرانڑیں بنڑی ہوئی مسیت جیندء ءچ پنجھ ویلے دی نمازاں آذان تے تعلیم القرآن جاری ھائی اج ایکوں ڈھا تے حکومت نہ پتہ نی کیھڑی مدینے دی ریاست تے عمل کیتا ھِ، ملوم مسجد مسجد توحید اھلحدیث ماڈل ٹاون ءچ ١٩٨٨ ءچ تعمیر تھئی ھائی لیکن بعض شر پسند عناصر نے ایکوں فرقہ وارانہ شکل ݙے تے شہید کر ݙیتا ایندے بعد ایں مسجد دی تعمیر کیتی گئی مسجد تقریبام وی سال توں قائم و دائم ھائی ایندے بعد ایندی تعمیر رکوا ݙیتی گئی جگہ چونکہ شام الاٹ ھائی ایں پاروں موجودہ گورنر پنجاب چوہدری سرور دے ذریعے بار بار کوشش کیتی گئی کہ مسیت کوں اتھارٹی لیٹر جاری تھئی ونجے لیکن انہاں وی بعد ءچ ہتھ چا گھیدا ایں مسیت دی تعمیراتی لاگت تقریبان تریھ کروڑ توں ودھ ھِ ݙوجھی گالھ اے مسیت محکمہ اوقاف ءچ رجسٹرڈ ھِ تریجھی گال ماڈل ٹاون اسلام آباد دی تمام مسیتاں دے کول سی ڈی اے توں متعلقہ کوئی وی ڈاکومینٹس مکمل کینی ۔

بغیر کہیں نوٹس ݙیتے ھک ہی ݙینھ ءچ ھک دم آ تے مسیت کوں شہید کرݨ ظلم عظیم ھِ ایں حکومت نے ٤ کنال جگہ ہندوواں کوں ایندے مندر پاروں سرکاری بجٹ منظور کیتا ، کیا وجہ ھِ کہ پانڑیں دے نالے دء نیڑے دی فضول جگہ جئیں تے اللہ دا گھر بنڑاں تے ایکوں قیمتی بنڑایا گئیا چند مرلے دے حصول پاروں ایں مسیت کوں شہید کر ݙیتا گئیا؟

ماڈل ٹاؤن اسلام آباد میں
15 سال سے زیادہ عرصہ پرانی بنی ھوئی
مسجد جسمیں پانچ وقت کی نمازیں آذانیں
اور تعلیم القرآن جاری تھی آج اسے گرانا کتنا بڑا ظلم ھے
ھم اسکی بھر پور مذمت کرتے ھیں pic.twitter.com/YtQyvUTS4i
— Senator Dr. Abdul Kareem (@SenDrAbdulKarim) July 1, 2020

اخباری جریدے جسارت دے مطابق ۔ وفاقی ترقیاتی ادارہ سی ڈی اے نے مندر دی تعمیر دے پاروں سرکاری اراضی ݙیوݨ دے بعد تجاوزات ڈھاوݨ دے ناح تے اسلام آباد دی قدیم مسیت کوں شہید کرݨ دا سلسلہ شروع کر ݙیتا ھِ اسلام آباد ہائی کورٹ دے احکامات دی آڑ ءچ تجاوزات ڈھاوݨ دے ناں تے ڈی سی اے دی سربراہی ءچ ضلعی انتظامیہ ، وفاقی پولیس تے انفورسمنٹ نے ٢٣ سالہ پرانڑی مسجد توحید کوں جزوی طور تے شہید کر ݙیتا ھِ

مسیت انتظامیہ دی طرفوں دستخط شدہ سی ڈی اے تے ضلعی انتظامیہ دی نشاندھی رپورٹ منگݨ تے ڈی سی سی ڈی اے خاموش تھئی گئے ۔ بدھ دے ݙینھ سی ڈی اے دے ڈپتی کمشنر سعد بن دی سربراہی ءچ ضلعی انتظامیہ سی ڈی اے انفورسمنٹ تے وفاقی پولیس نے ماڈل ٹاون ہمک کہوٹہ روٹ تے تجاوزات دیخلاف آپریشن دے ناں تے ٢٣ سالہ قدیم مسیت توحید کوں جزوری طور تے شہید کر ݙیتا ، سی ڈی اے نے مذکورہ آپریشن دے دوران موقف اختیار کریندے ہووے آکھیا کہ ہائی کورٹ دے احکامات دی روشنی ءچ تجاوزات دیخلاف آپریشن کیتا ویندا پیا ھِ ۔

تاہم ایں موقع تے مسیت انتظامیہ دی طرفوں جئیں ڈی سی سی ڈی اے توں ضلعی انتظامیہ تے سی ڈی اے دے شعبہ ریونیو دے دستخط شدہ سروے رپورٹ دی اکپی طلب کیتی گئی تاں انہاں کاپی ݙیوݨ دی بجائے دھمکی آمیز لہجے ءچ انفورسمنٹ دے عملے کوں حکم ݙیتا کہ مسیت کوں ڈھا ݙیو ،کاپی میں انہاں کوں ݙے ݙیساں۔