وزیر اعظم عمران خان نے وفاقی دارالحکومت ءچ ٤ ترقیاتی منصوبیاں دا سنگ بنیاد رکھ ݙیتا انٹرچینج، انڈر پاس ، پل تے رھائشی منصوبہ شامل ھن
وزیر اعظم عمران خان نے جمعرات کوں اسلام آباد ءچ چار ترقیاتی منصوبیاں دا سنگ بنیاد رکھا انہاں منصوبیاں ءچ راول ڈیم چوک انٹرچینج اسلام آباد ایکسپریس وے تے پی ڈبلیو ڈی انڈر پاس ، کورنگ برج دی تعمیر آئی ١٥ دے رہائشی منصوبے دے فیز ون دے ترقیاتی کم شامل ھن۔ ریآید پاکستان رپورٹ دے مطابق سی ڈی اے ان منصوبیاں تے جلد کم شروع کر ݙیسی ، راول ڈیم چوک انٹرچین ٹریفک منیجمنٹ سولوشن منصوبہ ھِ جو سی ڈی اے اپنڑیں ذاتی مالی وسائل نال ٢٤ مہینے ءچ مکمل کرویسی۔
سی ڈی اے کورنگ برج تے پی ڈبلیو ڈی انڈر پاس منصوبے دی تعمیر دا کم وی ١٥ تے ٧ مہینے تک شروع کریسی ، سرکاری شعبے دا ترقیاتی پروگرام ایں منصوبے پاروں مالی تعاون فراہم کریسی ۔ وفاقی دارالحکومت دے انہاں منصوبیاں دا مقصد اسلام آباد ءچ ٹریفک دی روانی گھن آوݨ ھِ جیندے بدولت شہر دے مکین رش دے پارون آسانی نال گڈی چلا سکن، تے گھٹ وقت ءچ زیادہ فاصلے طے کر سکن ، منصوبے نال اسلام آباد ایکسپریس وے تے ملحقہ علاقیاں دی رابطہ سڑکاں تے وی ٹریفک دی روانی ءچ بہتری آسی ، وزیر اعظم عمران خان نے ایں موقع تے ترقیای منصوبیاں تے عملدرآمد دے دوران وفاقی دارالحکومت دے سبزہ زار دا تحفظ یقینی بنڑاوݨ تے زور ݙیتا۔
