پاکستان دا کالعدم تحریک طالبان پاکستان دے رہنماءنور ولی محسود کوں اقوام متحدہ دی داعش اتے القاعدہ دی فہرست اچ رلاوݨ تے ایندے اثاثے منجمد کر تے سفری پابندیاں عائدلاوݨ دا خیر مقدم
امید اے بئے ملک وی ایں نقش قدم تے ٹرسن ،ترجمان دفتر خارجہ
اسلام آباد۔ پاکستان کالعدم تحریک طالبان پاکستان دے رہنماءنور ولی محسود کوں اقوام متحدہ دی داعش اتے القاعدہ دی فہرست اچ رلاونڑ تے ایندے اثاثے منجمد کرتے سفری پابندیاں لاونڑ دا خیر مقدم کریندے ہوئیں توقع ظاہر کیتی اے جو بئے ملک وی ایں نقش قدم تے ٹرسن ۔ جمعے کوں ترجمان دفتر خارجہ اقوام متحدہ دے فیصلے دا خیر مقدم کریندے ہوئیں آکھیے جو پاکستان پہلے ہی یو این سلامتی کونسل دی متعلقہ قرارداداں دے مطابق پابندیاں لاتن تے امید اے جو بئے ملک وی ایں نقش قدم تے ٹرسن ۔ترجمان آکھیے جو اقوام متحدہ پہلے ہی ٹی ٹی پی کوں دہشت گرد تنظیم قرار ڈتے جیرھا جو پاکستان دے اندر مختلف دہشت گرد حملیںدا ذمے وار اے ۔پاکستان ملک اچ جامع سیکورٹی آپریشن دے ذریعے ٹی ٹی پی کوں شکست ڈتیاے ،تاں جو ٹی ٹی پی پاکستانی سرحداں توں باہر تریجھے ملک دے سہولت کاراں دے تعاون نال آپریٹ کریندی پئی اے ۔ترجمان ایں عزم دا اعادہ کیتے جو پاکستان دہشت گردی دا ارتکاب، مالی اعانت ، منصوبہ بندی کرنڑ تے سہولت کاری اچ ملوث لوکاں دے خلاف جنگ دی اپنڑی پالیسی تے عمل پیرا اے ۔اے پی پی
