سپیکر قومی اسمبلی اسد قیصر اتے ڈپٹی سپیکر قومی اسمبلی قاسم خان سوری دی نیشنل پریس کلب دے نویں منتخب عہدیداراں کوں مبارک

اسلام آباد ۔   (اے پی پی) سپیکر قومی اسمبلی اسد قیصر اتے ڈپٹی سپیکر قومی اسمبلی قاسم خان سوری نیشنل پریس کلب دے نویں منتخب عہدیداراں کوں نیشنل پریس دے سال 2020ءدے انتخابات اچ کامیابی تے مبارک ڈتی اے ۔ بدھ کوں آپ دے انجھ انجھ تہنیتی پیغام اچ انہاں نیشنل پریس کلب دے نویں منتخب صدر شکیل انجم، سینئر نائب صدر ارشد وحید چوہدری، سیکرٹری جنرل انور رضا، سنیئر جوائنٹ سیکریٹری احتشام الحق، سیکرٹری فنانس، صغیر چوہدری اتے بئے عہدیداراں کوں مبارک ڈیندے ہوئیں آکھیے جو نیشنل پریس کلب دے انتخاب اچ انہاں دی کامیابی صحافتی برادری ولوں انہاں تے اعتماد دا مظہر اے ۔ انہاں آکھیے جو ملک اچ جمہوری اقتدار دے ودھارے ،جمہوریت دے استحکام ، اظہار رائے آزادی تے صحافی برادری دے حقوق دے تحفظ تے انہاں کوں پیش آندے مسلیں کوں حل کرنڑ اچ پریس کلب دے کردار دی تعریف کیتی ۔ سپیکر اتے ڈپٹی سپیکر آکھیے جو ملک اچ جمہوریت دے استحکام کیتے صحافی برادری دا کردار کلیدی اہمیت رکھیندے تے موجودہ حکومت آزادی اظہار رائے تے یقین رکھیندی اے اتے صحافتی برادری کوں پیش آندے مسلیں کوں حل کرنڑ کیتے ترجیحی بنیاداں تے اقدامات کریندی پئی اے ۔انہاں ایں امید دا اظہار کیتے جو نیشنل پریس کلب دی نویں منتخب کابینہ صحافی برادری کوں پیش آندے مسلیں کوں حل کرنڑ ، ملک اچ جمہوریت دے استحکام اتے عوامی مسلیں کوں اجاگر کرنڑ کیتے بھرپور کردار ادا کریسی ۔ اسپیکر اتے ڈپٹی اسپیکر آکھیے جو او نیشنل پریس کلب دی نویں منتخب کابینہ دی کامیابی کیتے دعا کریندن ۔