اسلام آباد ۔ (اے پی پی) پاکستان تحریک انصاف دی حکومت ڈو سالاں اچ چین پاکستان اقتصادی راہداری (سی پیک) منصوبیں کوں خصوصی اہمیت ڈتی اے، منصوبے دے ڈوجھے مرحلے دا آغاز کیتے تے نویں شعبیں کوں ایندے اچ رلائے ۔ سی پیک دے تحت خصوصی اقتصادی زونز تے تکھے کم کیتے ۔حکومت دی ڈو سالہ کارکردگی رپورٹ موجب وزارت منصوبہ بندی ، ترقی اتے خصوصی اقدامات ولوں بہوں سارے اقدامات کیتے گن ۔صنعتی تعاون دے تحت 2019-20ءاچ اہم پیشرفت تھئی ہئی کیوں جو ایں سال علامہ اقبال انڈسٹریل زون دا وزیراعظم افتتاح کیتا ہئی ۔ رشکئی زون دے ترقیاتی معاہدے کوں اجوکے سال منظور کیتا گیا ہئی ۔مزید اے جو 2020-21ءدے پہلے ترائے مہینے اچ رشکئی خصوصی اقتصادی زون دا منصوبہ بنڑایا وینداپئے ،دھابیجی زون کوں اگست 2020 تئیں چھیکڑی شکل ڈے ڈتی ویسی۔
