اداریں دے خلاف مریم دا بیانیہ جلسیں وانگوں ناکام تھی گئے ،عثمان ڈار
اسلام آباد (اے پی پی): وزیر اعظم دے معاون خصوصی امور نوجوانان عثمان ڈارآکھیے جو اداریں دے خلاف مریم دا بیانیہ جلسیں وانگوں ناکام تھی گئے،خود کوں قانون توں بالاتر سمجھنڑ آلاا ٹولہ پہلی واری قانون دی وٹھ وچ آئے ،عمران خان دا خوف پوری اپوزیشن تے سر چڑھ تے بولیندا پئے ۔سنوار کوں آپنڑے بیان اچ انہاں مریم نواز دی تقریر تے اپنڑے رد عمل دا اظہار کریندے ہوئیں آکھیے جو اداریں دے خلاف مریم دا بیانیہ جلسیں وانگوں ناکام تھی گئے ۔ مریم نواز تقریر اچ دراصل اپنڑے خاندان دی بے روزگاری دا ذکر کیتے۔ انہاں آکھیا جو مریم دی تقریر گھٹ تے والد دی بے روزگاری دا ماتم ودھ ہئی ۔مریم آکھیے جو جیرھا بزدل اے او ہٹ ونجے ،جیرھا بزدل ہئی او لندن بھج گئے ۔خود کوں قانون توں اتے سمجھنڑ آلی ٹولہ پہلی واری قانون دی وٹھ اچ آئے ۔عثمان ڈارآکھیا جو تساڈیاں مزید چیکاں نکلسن این آر او دا ہر رستہ بند تھی گئے ۔
