وفاقی وزیر اطلاعات چوہدری فواد حسین دی ویمن جرنلسٹ ایسوسی ایشن دے وفد دی ملاقات

اسلام آباد۔7جنوری  (اے پی پی):وفاقی وزیر اطلاعات چوہدری فواد حسین آکھیے جو فوٹو جرنلسٹ، وڈیو جرنلسٹ اتے ڈیجیٹل پروڈیوسرز، نیوز اتے کرنٹ آفئیرز پرڈیوسرز پوری دنیا اچ بطور صحافی جاݨیے ویندن ، صحافیاں کوں وزیراعظم دی طرفوں صحت کارڈ دیاں سہولتاں سودھے نواں پاکستان ہاوسنگ سکیم اچ وی ترجیحی بنیاداں تے رلایا ویسی۔ اے ڳال وفاقی وزیر اطلاعات ویمن جرنلسٹ ایسوسی ایشن اتے ویڈیو جرنلسٹس ایسوسی ایشن دے وفد نال ملاقات اچ آکھی اے، جنہاں جمعے کوں اتھاں وفاقی وزیر نال ملاقات کیتی۔ وزیر اطلاعات آکھیے جوخبراں اتے حالات حاضرہ اچ کم کرݨ آلے الیکٹرانک میڈیا دے فوٹو اتے ویڈیو صحافی اتے پروڈیوسرز کوں پوری دنیا اچ صحافی قرار ݙتا ویندے ۔چوہدری فواد حسین آکھیے جو صحافیاں کوں وزیراعظم دی طرفوں صحت کارڈ دیاں سہولتاں سودھے نیا پاکستان ہاؤ سنگ سکیم اچ وی ترجیحی بنیاداں تے رلایا ویسی، ایں موقع تے وومن جرنلسٹ ایسوسی ایشن دی جوائنٹ سیکریٹری حکومت توں نیشنل پریس کلب اسلام آباد دے انتخابات 2022 الیکٹرانک ووٹنگ مشین دے ذریعےکراوݨ دا مطالبہ کیتا اتے آکھیے وج ہر سال انتخابات دی شفافیت  کوں صحافی برادری چیلنج کریندی اے جیں توں ادارے دا وقار مجروح تھیندے ۔ وفد آکھیے جو نیشنل پریس کلب دے امیدواراں کوں چاہیدے جو آپݨے اثاثیں دے گوشوارے جمع کراون اتے ٹیکس فائیلر اتے نان فائلر ڈیکلیئر کرن۔ ویمن جرنلسٹ ایسوسی ایشن مریم نواز اتے سابق وزیر اطلاعات و نشریات پرویز رشید دی مبینہ آڈیو لیکس دی مذمت کیتی اتے آکھیے جو انہاں دی اے آڈیو ن لیگ دی پارٹی دا آزادی اظہار رائے تے قدغن دا عملی ثبوت اے۔