بھارت اچ ہندو توا گروپ سارے مذہبی اقلیتاں کوں بلا تخصیص نشانہ ٻݨیندے پئن، مودی حکومت دے انتہا پسندانہ ایجنڈے نال خطے دے امن کوں حقیقی خطرہ اے، وزیراعظم عمران خان

اسلام آباد۔10جنوری  (اے پی پی) وزیراعظم عمران خان آکھیا جو بھارت اچ ہندو توا گروپ سارے مذہبی اقلیتاں کوں بلا تخصیص نشانہ ٻݨیندے پئن، مودی حکومت دے انتہا پسندانہ ایجنڈے نال خطے دے امن کوں حقیقی خطرہ اے۔ سنوار کوں آپݨے ٹویٹس اچ انہاں آکھیا جو بھارتیہ جنتا پارٹی دے ہندو توا گروپ سارے مذہبی اقلیتاں کوں بلا تخصیص نشانہ ٻݨیندے پئن اتے ایجھی کاروائیاں تے سزا توں انہاں کوں استثنا اے۔ وزیراعظم آکھیا جو بھارت اچ اقلیتاں خصوصی طور 20 کروڑ مسلمانان دی نسل کشی بارے دسمبر اچ ہک انتہا پسند ہنتوتوا کانفرنس اچ کیتی ڳئی اپیل تے مودی حکومت دی چپ نال سوال پیدا تھیندے جو کیا بی جے پی حکومت ایں اپیل دی حمایت کریندی اے؟ وزیراعظم آکھیا جو ویلھا آڳئے جو بین الاقوامی برادری ایں معاملے دا نوٹس ڳھن تے کاروائی کرے۔