ڈرامہ، فلم اتے ڈیجیٹل میڈیا نال اپݨی کہانی ڄڳ تئیں پچائی ونڄ سڳدی اے، وفاقی وزیر اطلاعات چوہدری فواد حسین دا دبئی ایکسپو 2020ء اچ پاکستانی فلماں دی نمائش ویلھے خطاب

دبئی۔22جنوری(اے پی پی)وفاقی وزیر اطلاعات و نشریات چوہدری فواد حسین آکھیے جو ڈرامہ، فلم اتے ڈیجیٹل میڈیا نال اپݨی کہانی ڄڳ تئیں پچائی ونڄ سڳدی اے، ماضی اچ پاکستان فلمی صںعت اچ وݙا ملک ہا بھل مناسب توجہ نہ ہووݨ پاروں اے صںعت زوال کر ڳئی اے، ساݙی حکومت فلمی صںعت کوں آن بحال کیتے اتےو دھ مراعات ݙتن۔ اے ڳالھ انہاں دبئی ایکسپو 2020ء اچ پاکستانی فلماں دی نمائش شروع کرݨ دی تقریب نال خطاب اچ آکھی۔ انہاں آکھیا جو ایں ویلھے سینما گھراں کوں سستی بجلی ݙتی ویندی پئی اے، فن اتے فنکار کوں مراعات ݙتن، فلم انڈسٹری تے ٹیکسز مکائن، پاکستان اچ سیاحتی مامات اتے خوبصورت ڄاہیں تے فلمسازی کیتے این او سی طریقہ کار دا سوچیا ویندا پئے، دوبئی ایکسپو اچ پاکستان پویلین ہک ہیرے آلی کار اے۔