وزیر اعظم عمران خان تے روسی صدر ولادی میر پیوٹن دے درمیان ون آن ون ملاقات

ماسکو۔24فروری  (اے پی پی):وزیر اعظم عمران خان اتے روسی صدر ولادی میر پیوٹن خمیس کوں ون آن ون ملاقات اچ معیشت ، تجارت اتے توانائی دے شعبیں اچ تعاون سودھے ݙو طرفہ تعلقات، علاقائی و بین الاقوامی امور تے ڳالھ مہاڑ کیتی ۔ ایندے توں پہلے روسی فیڈریشن دے ایگزیکٹو ہیڈکوارٹرز کریملن پڄݨ تے صدر پیوٹن وزیراعظم عمران خان دا پرتپاک استقبال کیتا۔ وزیراعظم عمران خان اتے روسی صدر ݙو طرفہ تعلقات دے سارے پہلوواں ،ݙوطرفہ تجارت، معیشت اتے توانائی بالخصوص پاکستان سٹریم گیس پائپ لائن منصوبے اچ تعاون اتے علاقائی و بین الاقوامی امور تے ڳالھ مہاڑ کیتی ۔ 23 سال دے بعد کہیں پاکستانی وزیر اعظم دا روس دا اے پہلا دورہ اے اتے ایں دورے کوں ݙوہیں ملکاں وچال تعلقات دی تجدید کیتے ھک تاریخی قدم قرار ݙتا ویندا پئے ۔