وزیراعظم عمران خان نال روس دے نائب وزیراعظم الیگزینڈر نوویک دی ملاقات
اسلام آباد۔24فروری (اے پی پی):وزیراعظم عمران خان نال روس دے نائب وزیراعظم الیگزینڈر نوویک خمیس کوں اتھاں ھک وفد دے رلے ملاقات کیتی اے ۔ ملاقات اچ انہاں ٻہوں سارے شعبیں اچ سانجھے تعاون دے امور تے ڳالھ مہاڑ کیتی ۔ وزیرعظم عمران خان ایں ویلھے روس دے صدر ولادی میر پیوٹن دی دعوت تے روس دے ݙو ݙینھ دے سرکاری دورے تے ہن ، ملاقات اچ وزیر خارجہ شاہ محمود قریشی، وزیر منصوبہ بندی اسد عمر، وزیر توانائی حماد اظہر، مشیر تجارت عبدالرزاق داؤد اتے قومی سلامتی دے مشیر معید یوسف وی وزیراعظم دے رلے ہن ۔23 سال دے وقفے دے بعد کہیں پاکستانی وزیر اعظم دا روس دا اے پہلا ݙو طرفہ دورہ اے تے ایندے توں ݙوہیں ملکاں وچال تعلقات دی تجدید کیتے ھک تاریخی قدم قرار ݙتا ویندا پئے ۔دورے وچ وزیراعظم دے رلے اعلیٰ سطح دا وفد وی اے جیں وچ وفاقی وزراء شاہ محمود قریشی، چوہدری فواد حسین، اسد عمر اتے حماد اظہر، مشیر تجارت عبدالرزاق داؤد، قومی سلامتی دے مشیر معید یوسف اتے رکن قومی اسمبلی عامر محمود کیانی وی شامل ہن۔
