اسپیکر تے ڈپٹی اسپیکر قومی اسمبلی دی عید الاضحیٰ دے پُرمُسرت موقع تے قوم کوں مبارخ

1
42
عید الاضحیٰ

اسپیکر تے ڈپٹی اسپیکر قومی اسمبلی دی عید الاضحیٰ دے پُرمُسرت موقع تے قوم کوں مبارخ

اسلام آباد(اے پی پی):اسپیکر قومی اسمبلی راجہ پرویز اشرف تے ڈپٹی اسپیکر زاہد اکرم درانی آکھیے جو عید الاضحیٰ اساکوں حضرت ابراہیم ؑ دی عظیم قربانی دی یاد ݙویندی اے جنہاں اللہ تعالیٰ دے حکم دے اڳوں سر جھکا کریندے ہوئیں اپݨے فرزند کوں اللّه تعالی دی راہ اچ قربان کرݨ کیتے پیش کیتا ، انہاں آکھیے عیدِ قرباں ایثار تے قربانی دا درس ݙیندی اے ۔ اے بابرکت موقع اساکوں یاد ݙویندے جو اپݨے ذاتی مفادت، اختلافات اتے خواہشات کوں پچھوں سٹ تے صرف تے صرف اللّه دی رضا اتے اوندے احکامات دی پورے کرݨ ہی ساݙا اولین فرض اے۔ اے ڳالھ انہاں عید الاضحیٰ دے پُر مسرت موقع تے مسلم اُمہ خُصُوصاً پاکستانی قوم کوں مبارخ ݙیندے ہوئیں اپݨے انڄ انڄ پیغام اچ آکھی اے جیڑھی جو سویلے پورے ملک اچ نہایت مذہبی جوش و جذبے نال منائی ویسی.
اسپیکر و ڈپٹی اسپیکر حجاج کرام کوں حج اکبر دی ادائیگی تے مبارخ ݙیندے ہوئیں آکھیے جو اساں ربِ کریم دے شکر گزار ہیسے جو انہاں کرونا دی جان لیوا وبا تے قابو پاوݨ اچ ساݙی مدد کیتی جیں پاروں ݙو سال بعد پاکستانیاں و پوری دنیا دے مسلماناں کوں اسلام دے اہم رکن حج دی ادائیگی دی سعادت نصیب تھی سڳی اے ۔  اسپیکر آکھیے حضرت ابراہیم ؑ جیویں طرح اللّه تعالی دے حکم کوں پورا کریندے ہوئیں قربانی دی عظیم مثال قائم کیتی اساکوں وی انہاں دے نقش و قدم تے چلدے ہوئیں آپݨے دین دی سربلندی کیتے قربانی ݙیوݨ توں پچھوں نی ہٹݨاں چاہیدا ۔

LEAVE A REPLY

Please enter your comment!
Please enter your name here