پاکستان افغانستان اچ امن تے استحکام چاہندے، دنیا کوں کشمیر بارے ݙو منہہ معیار ترک کرݨا چاہیدے، صدر مملکت ڈاکٹر عارف علوی

اسلام آباد۔24فروری  (اے پی پی) صدر مملکت ڈاکٹر عارف علوی آکھیا جو پاکستان افغانستان اچ امن تے استحکام چاہندے، دنیا کوں کشمیر بارے ݙو منہہ معیار ترک کرݨا چاہیدے، پاکستان چالھی سال توں چالھی لکھ توں ودھ افغان پناہ گزیناں دی میزبانی کریندا پئے، بھارت اچ مودی اتے ہندوتوا نظریے مسلماناں سودھے اقلیتاں کوں غیر محفوظ ٻݨا ݙتے۔ چین امریکہ مخاصمت دا حصہ نی ٻݨݨا چاہیدا، وزیراعظم عمران خان دا اڄوکا دورہ چین کامیاب رہیے۔ اے ڳالھیں انہاں خمیس کوں اتھاں انسٹی ٹیوٹ آف ریجنل سٹڈیز ولوں بین الاقوامی کانفرنس توں خطاب کریندیں ہوئیں آکھی۔ صدرمملکت آکھیا جو مودی اتے ہندوتوا دے اقدامات بھارت کوں تباہ کر ݙیسن۔ دنیا کوں بھارت دا مکروہ چہرہ ݙیکھݨا چاہیدے۔ پاکستان ہر کہیں نال چنڳے تعلقات چاہندے۔ لوکاں دا معیار زندگی بہتر کرݨ چاہندوں۔