جئیں کوں شوق اے او عدم اعتماد ڳھن آون، گھبراوݨ آلے نی، وزیراعلیٰ پنجاب سردار عثمان بزدار اتے وفاقی وزیر داخلہ شیخ رشید احمد دی ملاقات

اسلام آباد (اے پی پی) وزیراعلیٰ پنجاب سردار عثمان بزدار نال وفاقی وزیر داخلہ شیخ رشید احمد ملاقات کیتی۔ ہفتے کوں لاہور اچ ملاقات اچ آپسی دلچسپی دے معاملے، سیاسی صورتحال اتے راولپنڈی اچ جاری ترقیاتی منصوبیاں تے ڳالھ کیتی ڳئی۔

ݙوہیں رہنماواں اپوزیشن دی انتشار دی سیاست دی مذمت کریندیں ہوئیں اپوزیشن دے منفی ہتھکنڈیاں دا ڈٹ تے مقابلہ کرݨ دا عزم کیتا۔ عثمان بزدار آکھیا جو سیاست اچ منفی رویے ملک کیتے نقصان دہ ہن۔ عثمان بزدار آکھیا جو اپوزیشن صرف اقتدار کیتے سیاسی عدم استحکام پیدا کرݨ دی کوشش کریندی پئی اے۔ جئیں کوں شوق اے او عدم اعمتماد ڳھن آون، گھبراوݨ آلے نی۔

وفاقی وزیر داخلہ شیخ رشید احمد آکھیا جو اے لوک عدم اعتماد دی ڳالھ صرف آپݨا دل بہلاوݨ کیتے کریندے پئن۔ وزیراعلیٰ عثمان بزدار ، وفاقی وزیر داخلہ شیخ رشید احمد کوں گورنمنٹ ایسوسی ایٹ کالج فار گرلز راولپنڈی کیتے 100 ملین روپے دے فنڈز دے اجرا دا لیٹر ݙتا اتے شیخ رشید احمد انہاں دا شکریہ ادا کیتا۔