وزارت دفاع نے آکھیا ھِ کہ روس دی فوج یوکرین دے کھ شہاراں اچ فائر بندی کریسی تے انسانی ھمدردی دے تحت راھداری کھولیسی ، راھداری کوں دارالحکومت کیف دے نال خارکیف ، ماریوپول تے سومی دے شہاراں توں ماسکو دے ویلے دے مطابق سویرے ١٠ وجے کھولا ویسی
غیر ملکی خبر رساں اداریاں دی رپورٹاں دے مطابق روس دی طرفوں اے اقدام فرانسیسی صدر ایمانوئل میکرون دی ذاتی درخواست تے اے راھداری کھولی ویندی پئی ھِ
آر آئی اے نیوز ایججنسی دی طرفوں شائع تھیوݨ والے نقشیاں دے مطابق کیف توں راھداری روسی اتحادی بیلاروس دے پاسے گھن ویسی ، تے خارکیف دے شہریاں دے کول صرف روس آلے پاسے ونجݨ والی راھداری ہوسی ماریوپول تے سمی توں راھداری یوکرین دے ڈوجہے شہاراں تے روس ڈونہاں پاسے گھن ویسی۔
وزارت دفاع دا آکھݨ ھا کہ جو لوگ کفی چھوڑ تے ونجݨ چاھندے انہاں کوں ہوائی جہاز توں روس بھیجا ونج سکدے، وزارت نے آکھیا کہ او انخلا دی نگرانی پاروں ڈرون دا استعمال کریسی۔ روسی وزارت دفاع نے مزید ڈسایا کہ روس تے پوری مہذب دنیا کوں دھوکہ ڈیوݨ دی یوکرین دی طرفوں کوششاں ایں ویلے بیگار ویسن۔ روس دے حملے دی دنیا اچ مذمت کیت یگئی ھِ حملے دے نال ١٥ لکھ توں ودھ یوکرینی شہری بیرون ملک منتقل تھیوݨ تے مجبور تھئی چکے ھن تے روسی معیشت کوں مفلوج کرݨ دے مقڈ نال مغربی ممالک نے سخت پابندی لا ڈیتیاں ھن ۔ روس نے ٢٤ فروری کوں شروع کیتی گئی ایں مہم کوں خصوصی فوجی آپریشن قرار ڈیتا ھِ ایں نے بارھا شہری علاقیاں تے حملے دی تردید کیتی ھِ تے آکھیا ھِ کہ ایندا یوکرین تے قبضے دا کوئی منصوبہ کینی۔
تیل دی قیمتاں ایشیائی تجارت اچ ٢٠٠٨ دے بعد اپنڑیں بلند سطح تے پھج گئی جبکہ جوبائیڈن انتظامیہ نے آکھیا ھِ کہ او روسی تیل دی درآمد تے پابندی عائد کرݨ دے مواقعے تلاش کریندا پیا ھِ روس عالمی سپلائی دا ست فیصد تیل فراہم کریندا ھِ
