قومی خودمختاری، ملکی سالمیت تے کوئی سمجھوتہ نئیں تھی سڳدا، وزیر خارجہ شاہ محمود قریشی دا اپݨی وزارت دے افسران نال خطاب
)وزیر خارجہ شاہ محمود قریشی آکھیے جو پاکستان تحریک انصاف دی حکومت ٻئے ملکاں نال اختلافات کھنݙاوݨ دے حق اچ کائنی بھل اے یقین اے جو قومی خودمختاری، ملکی سالمیت تے کوئی سمجھوتہ نئیں تھی سڳدا۔ وزارت خارجہ دے افسران نال خطاب اچ انہاں آکھیا جو نویں پاکستان اچ خارجہ پالیسی دا وژن قومی مفادات کوں اڳونہا کرݨ اے، پی ٹی آئی حکومت بین الاقوامی سطح تے بلاک سیاست دی حمایت نئیں کریندی، تکڑی خارجہ پالیسی تے چلݨ کیتے معاشی استحکام ضروری اے، حکومت خارجہ پالیسی دے محاذ تے وݙایآں کامیابیاں ڳھدن، اقتصادی سفارت کاری، انگیج افریقہ پالیسی، سینٹرل ایشیا وژن پالیسی اتےر سٹریٹجک کمیونیکیشن ڈویژن ٻݨݨ ایندا حصہ ہین ڄݙاں جو ساݙی بہترین سفارتکاری پاروں ڄڳ اچ پاکستان دا تاثر مثبت تھئے، اوورسزی پاکستانیاں دا اعتماد ودھیے، اسلام آباد اچ اسلامی تعاون تنظیم (او آئی سی) دے وزرائے خارجہ کونسل دے 48 ویں اجلاس دا تھیوݨ ہک وݙی کامیابی اے۔
