انشاء اللہ وزیراعظم عمران خان ہی ہوسن، شہباز شریف دا وزیراعظم ٻݨݨ دا خؤاب مٹی تھی ویسی، شیروانیاں سیواوݨ آلیاں کوں پجامے وی نہ لٻھسن، وزیر اطلاعات چوہدری فواد حسین
)وفاقی وزیر اطلاعات و نشریات چوہدری فواد حسین آکھیے جو انشاء اللہ وزیراعظم عمران خان ہی ہوسن، شہباز شریف دا وزیراعظم ٻݨݨ دا خؤاب مٹی تھی ویسی، ݙوہیں پیو پتر شہباز شریف اتے حمزہ شہباز عدالت توں ضمانت تے چھٹے ہوئن، ہک وزارت عظمیٰ اتے ٻیا وزارت اعلیٰ دا امیدوار ٻمیا ہوئے، شیروانیاں سیواوݨ آلیاں کوں پجامے وی نہ لٻھسن، شہباز شریف اتے حمزہ دی ضمانت دی منسوخی دی درخواست دائر کریسوں۔ وفاقی وزیر توانائی حماد اظہر اتے وزیراعظم دے معاون خصوصی شہباز گل دے کٹھے میڈیا نال الیندے انہاں آکھیا جو وفاقی ایجنسیاں دی اطلاع تے تھریٹ توں بعد وزیراعظم عمران خان دی سیکورٹی ودھا ݙتی ڳئی اے۔ فواد چوہدری آکھیا جو عدم اعتماد دی تحریک اچ حالی 48 ڳھنٹے باقی ہین، حالی ٻہوں کڄھ تھیوݨے، عوام اجازت نہ ݙیسن جو ٻاھر ملکو ٻیھ تے پاکستان اچ حکومت وٹا ݙتی ونڄے، کڄھ ملین ݙالر لا تے حکومت نئیں وٹائی ونڄ سڳدی۔ انہاں آکھیا جو منحرف اراکین دی خلاف کارروائی اڳو تے ٹرسی ایں سانڳے قانونی ٹیم حکمت عملی ٻݨا ڳھدی اے، صٻحائیں تئیں سپریم کورٹ لڳے ویسوں جو عدالت ݙیکھے جو کیویں تحریک عدم اعتماد دا مسودہ بیرون ملک ٻݨیے، ایکوں پاکستان پٹھیا ڳئے اتے راتی رات اے تحریک آئی اے ول ضمیر وی کٹھے سڄاکے تھیوݨ لڳ ڳین،جیکر اپوزیشن سازش اچ کائنی تاں ول مطالبے دے باوجود خط بارے بریفنگ اچ کیوں نئیں آئی؟ غلامان شریفیہ شاہد خاقان عباسی، احسن اقبال اتے خواجہ آصف بے ضمیر لوک ہین، اے امریکا امریکا کر تے پاکستانیاں کوں بے غیرتی سکھاوݨ چاہندن، اے بے شرم ٹولا بین الاقوامی سازش نال پاکستان تے قبضہ کرݨ چاہندے ٻھل لوک انہاں کون سنڄاݨ چکین تہوں اڄ بے ضمیراں دے خلاف مظاہرے تھین۔ انہاں آکھیا جو پاکستان دی قیادت عمران خان جھیں غیرت مند لیڈر کولو راہسی، اساں کݙاھیں پاکستان کوں وکݨ اتے قوم کوں جھکݨ نہ ݙیسوں اتے اے ملک ڈرپاں دے سہارے نئیں چل سڳدا، اساں آئین دے مطابق چلسوں۔ فواد چوہدری آکھیا جو انشاء اللہ کل پرویز الٰہی وزیراعلیٰ پنجاب ہوسن
