وزیر اعلی بلوچستان نواب ثناء اللہ زہری مستعفی
میڈیا کوں جاری تھیون والی ھک پریس ریلیز اچ نواب ثناء اللہ زہری دا آکھن ھا کہ گزشتہ ڈو ہفتیاں دے دوران بلوچستان دے سیاسی حالات بہوں کشیدہ تھئی گئے ھن جیندے اچ انہاں دے ساتھیاں نے عدم اعتماد اظہار کریندے پئن
کوئٹہ(سرائیکی نیوز) بلوچستان دے وزیر اعلی نواب ثناء اللہ زہری اپنڑیں عہدے توں مستعفی تھئی گئے انہاں نے اپنڑاں استعفی گورنر محمد خان اچکزئی کوں پیش کر ڈیتا جو قبول کر گھیدا گئیا۔
میڈیا کوں جاری تھیون والی ھک پریس ریلیز اچ نواب ثناء اللہ زہری دا آکھن ھا کہ گزشتہ ڈو ہفتیاں دے دوران بلوچستان دے سیاسی حالات بہوں کشیدہ تھئی گئے ھن جیندے اچ انہاں دے ساتھیاں نے عدم اعتماد اظہار کریندے پئن انہاں دا آکھن ھا کہ انہاں کوں اپنڑیں ساتھیاں دے تحفظات دور کرن دی ہر ممکن کوشش کیتی تے مسلم لیگ ن دی مرکزی قیادت تے وزیر اعظم پاکستان شاہد خاقان عباسی وی کوئٹہ تشریف گھن تے آئے تاہم ایں معاملے اچ مثبت پیس رفت نا تھئی سکدی۔
انہاں دا آکھن ھا کہ گزشتہ ڈو سال توں نا صرف حکومتی ارکان کوں اپنڑیں نال رکھن دی کوشش کیتی بلکہ اپوزیشن جماعتاں کوں وی اپنڑیں نال رکھئے انہاں یاد ڈویندے ہووئے آکھیا کہ اکثر تقاریب اچ انہاں دے نال صوبائی اسمبلی اپوزیشن لیڈر وی انہاں دے نال ہوندے ھن جئیں تے میڈیا کوں حیرانگی تھیندی ھائی۔۔انہاں نے ڈسایا کہ سیاسی عمل دے نال نال انہاں کوشش کیتی ھِ کہ صوبہ اچ حکومتی عمل داری قائم رھاوے تے ایتھاں امن و امان قائم تھیووے۔
نواب ثناء اللہ زہری دا آکھن ھا کہ اللہ دا شکر ھِ کہ بلوچستان اچ امن و امان بحالی دی صورتحال بہوں بہتر ھِ جیندے واسطے پولیس فرنٹیئر کور ایف سی لیویز تے دیگر قانون نافذ کرن والے اداریاں نے سخت محت کیتی تے بلوچستان دے بالاں دے مستقبل کوں محفوظ بنڑائے۔ انہاں دا آکھن ھا محفوظ حکومت چلاون اتنا آسان نی ہوندا حکمران جماعت نے اکثریت اچ تھیون دے باوجود اپوزیشن جماعتاں کوں نال گھن تے ٹررن دی کوشش کیتی تے ایں دے واسطے صوبے اچ اپنڑی اتحادی جماعتاں دے وی مشکور ھن۔ انہاں دا مزید آکھنڑاں ھا انہاں کوں طقت تے اقتدار تے اسمبلی نے ڈیتا ھِ تے او محسو کریندے پئے ھن کہ ارکان اسمبلی دی وڈی تعداد انہاں دی قیادت توں مطمئن کینی ایں واسطے او وزارت اعلی دے منصب تے زبردستی فائز نی رھ سکدے۔
پریس ریلیز اچ انہاں آکھیا کہ او نی چاھندے کہ انہاں دی وجہہ توں صوبے دی سیاست اچ کوئی منفی اثر پووے ایں واسطے او اپنڑیں عھدے توں استعفی ڈیندے پئے ھن نواب نثاء اللہ زہری نے صوبے اچ سیاسی عمل کوں جاری رکھن تے صوبے دی ترقی دے حوالے نال نیک خواہشات دا وی اظہار کیتا ۔ ایں توں قبل ساقبق وزیر داخلہ بلوچستان میر سرفراز بگٹی نے دعوی کیتا ھا کہ نواب ثناء اللہ زہری نے صوبے دے وزارت اعلی دے منصب توں استعفی ڈے ڈیتا۔ خیال رھاوے کہ پاکستانی ذرائع ابلاغ اچ اے خبراں سامنڑیں آیاں ھن کہ وزیر اعظم شاہد خاقان عباسی دے مشورے دے بعد وزیر اعلی بلوچستان نواب ثناء اللہ زہری نے وزارت اعلی دے عہدے توں مستعفی تھیون دا فیصلہ کر گھیدا ھِ بلوچستان دے سابق وزیر داخلہ سرفراز بگٹی دی طرفوں سماجعی رابطے دی ویب سائٹ ٹویٹر تے ھک پیغام سامنڑیں آیا جیند اچ انہاں دا آکھنڑاں ھا الحمداللہ وزیر اعلی بلوچستان مستعفی تھئی گئے
بعد ازاں کوئٹی اچ میڈیا نال گالھ مہاڑ کرندے ہووے سرفراز بگٹی دا آکھن ھا کہ نواب ثناء اللہ زہری جمہوری روایت دے عین مطابق مستعفی تھئے ھن جیندے تے انہاں دا شکریہ ادا کریندن، انہاں دی آئندہ دی سیاسی زندگی دے واسطے نیک تمناواں دا اظہار کریندے ھن تے خواہش کریندن کہ او اگوں وی بلوچستان دے پلیٹ فارم توں اپنڑی سیاسی جدوجہد جاری رکھیسن۔ انہاں اکھیا کہ تحریک عدم اعتماد جمہوری عمل ھِ ثناء زہری سے کوئی ذاتی عناد کینی، جبکہ انہاں دے نال ساتھ عزت و احترام دا رشتہ آئندہ وی قائم رھاسی۔ صوبے دے اگلے وزیر اعلی توں متعلق سرفراز بگٹی دا آکھن ھا کہ ضروری کینی نواں وزیر اعلی ن لیگ توں ہی ھن۔ ‘
واضح رھاوے کہ وزیر اعظم شاہد خاقان عباسی نے گزشتی روز کوئٹہ دا دورہ کیتا ھا تے ناراض ارکان کو مناوں اچ ناکامی دے عبد وزیر اعلی کوں مستعفی تھیون دا مشورہ ڈے ڈیتا۔ ذرائع دا آکھن ھا نواب ثناء اللہ زہری نے پختونخواہ ملی عاومی پارٹی (پی کے میپ) دے سربراہ محمود خان اچکزئی نال وی ملاقات کیتی جنہاں نے وزیر اعلی کوں مستعفی تھیون دا مشورہ ڈے ڈیتا۔
خیال رھاوے کہ ثناء اللہ زہری دے خلاف ٩ جنوری کوں بلوچستان اسمبلی اچ تحریک عدم اعتماد پیش کیتی ویندی ھائی جیندے ناکام بنڑاون کیتے وزیر اعلی نے مختلف ارکان نال رابطہ کیتا لیکن او صرف ٢٠ ارکان کوں حمایت واسطے راضی کرن تے کامیاب تھئے ۔ بلوچستان دے وزیر اعلی نواب ثناء اللہ زہری دے خلاف تحریک عدم اعتماد والے مسلم یگ ن دے ناراض قانون سازان کوں مناون دے واسطے وزیر اعظم شاہد خاقان عباسی دا دورہ کوئٹہ ناکامی نال ڈو چار تھئی گئیا ھا۔ انہاں ایں عزم دا اظہار کیتا ھا کہ بلوچستان اسمبلی اچ وزیر اعلی دے خلاف عدم اعتماد دی تحریک کوں کامیاب بنڑیسوں۔
