کوئٹہ دھماکہ دا ھدف مذہبی ریلی ھا، حملہ آوار کوں روکا تے خود کوں اُݙا ݙیتا، پولیس

کوئٹہ ۔ کوئٹہ دھماکہ دا ھدف مذہبی  ریلی ھا، حملہ آوار کوں روکا تے خود کوں اُݙا ݙیتا، پولیس، تفصیل دے مطابق کوئٹہ دی شاہراہ اقبال تے تھیوݨ والے خود کش دھماکے ءچ ست بندے شہید ٢٥ توں ودھ زخمی تھئی گئے ، دھماکے ءچ ٨ توں ١٠ کلو گرام بارودی مواد استعمال کیتا گئیا ھا پولسی دے مطابق سوموار کوں کوئٹہ دے علاقے شارع اقبال تے منان چوک دے نیڑے ضلع کچہری دے سامنڑیں ایں ویلے دھماکا تھئیا جئیں ویلے اتھاں کجھ فاصلے تے پریس کلب دے سامنڑیں حضرت ابوبکر صدیق دے یوم وفات توں متعلق احتجاجی ریلی تھیندی پئی ھائی

دھماکہ اتنا شدید ھا کہ ایندی آواز دور دور تک سنڑی گئی دھماکے دے بعد ہر پاسے دھواں مچ گئیا تے خوف و ھراس دی وجہہ نال لوگاں ءچ بھج دڑوک مچ گئی ، دھماکے دے نیتجے ءچ گھٹ توں گھٹ پنجھ گڈیاں ، موٹر سائیکلاں کوں نقصان پھجا نیڑے ضلع کچہری دی عمارت سمیت قریبی دکاناں تے کاروباری مراکز دی عمارتاں دے شیشے تروٹ گئے لاشاں تے زخمیاں کوں سول ہسپتال کوئٹہ پھجایا گئیا جیتھاں ایمرجنسی نافذ کر ݙیتی گئی

سول ہسپتال دے ترجمان ڈاکٹر وسیم بیگ دے مطابق دھماکے دے زخمیاں کوں ٹراما سینٹر ءچ علاج فراہم کیتا ویندا پیا ھِ جنہاں ءچوں کافی لوگاں دی حالت تشویشناک ھِ تے ھلاکتاں ءچ اضافے دا خدشہ ھِ ، عینی شاھدین دے مطابق احتجاج دے اختتام دے جیویں ھی دعا ختم تھئی تاں دھماکا تھیا ، ڈی آئی جی کوئتہ عبدالرزاق چیمہ نے جائے واقوعی تے میڈیا کوں ڈسایا کہ مذہبی جماعت دی ریلی دی حفاظت کیتے ڈسٹرکٹ پولیس تے ایگل سکواڈ دے اھلکار تعینات ھن جنہاں نے ریلی دی طرفں آندے ہووے ھک مشکوک بندے کوں روکا اوں رکݨ دی بجائے اگئی تے ونجن دی کوشش کیتی جئیں تے اھلکاراں ایکوں پکڑ تے تلے ڈھا ݙیتا ایں دوران حملہ آور نے اپنڑیں جسم نال بدھی خود کش جیکٹ دھماکے نال اݙا ݙیتی ، ڈی آئی جی دے مطابق دھماکے ءچ حملہ آور کوں روکݨ دی کوشش کرݨ والے ڈی ایس پی دے ڈرائیور سمیت ݙو پولیس اھلکار وی شہید تھئی گئے ۔ مرں والے دیگر افراد ءچ لیویز اھلکار تے چار شہری شامل ھن ۔ عبدالرزاق چیمہ آکھیا کہ اے اساݙے اھلکاراں دی ہمت ھِ جنہاں جان دا نذرانہ ݙے تے حملہ آوار کوں اگئی تے ونجݨ توں روکا ، انہاں آکھیا کہ دھماکے ءچ ٨ توں ١٠ کلو گرام بارودی مواد استعامل کیتا گئیا ھا ، ہسپتال ذرائے دے مطابق ھک نامعلوم بندے دا سر تے دھڑ وی منتقل کتے گئے ھن۔