بلوچستان دءِ شہر کوئٹہ ءچ گیس پائپ اُݙا ݙیتی
کوئٹہ (سرائیی نیوز) نامعلوم حملہ آوراں نے گیس دی وݙی پائپ لائن اُݙا ݙیتی جیندے وجہہ نال کوئٹی ، پشین ، زیارت تے بلوچستان دءِ دیگر علاقیاں ءچ گیس دی فراہمی معطل تھئی گئی ، لیوز حکام دے مطابق مشتبہ عسکریت پسنداں نے گیس پائپ لائن دے تلے دھماکہ خیز مواد رکھ تے لائن اُݙا ݙیتی ، حکام نے ݙسایا کہ دھماکے ءچ ١٢ انچ قطر گیس پائپ لائن دے ھک وݙے حصے کوں نقصان پھجیا ھِ ݙوجہے پاسے سوئی سدرن گیس کمپنی دے عہدیداراں نے واقعے دی تصدیق کریندے ہووے آکھیا کہ کوئٹہ کوں ٥٠ فیصد گیس دی فراہمی تے پشین ، زیارت تے دیگر علاقیاں کوں گیس دی مکمل فراہمی متاثر تھئی ھِ ایس ایس جی سی ذرائع نے ڈسایا کہ اساں متبادل انتظامات دے ذریعے کوئٹہ تے ایندے نیڑے علاقیاں کوں گیس مہیا کریندے پئے ھیں اطلاعات دے مطابق دھماکے ءچ نقصان پھجا، گیس پائپ لائن سوئی توں کوئٹہ آندی پئی ھائی ، ایس ایس جی سی عہیداراں ڈسایا کہ تباہ شدہ پائپ لائن دی مرمت دا کم جاری ھِ تے رات دیر گئے گیس دی فراہمی بحال تھیوݨ دا امکان ھِ
