وزیر اعلی بلوچستان دا سرکاری گودام اچ لکھاں گندم دیاں بوریاں خراب تھیون دے برہمی دا اظہار

کوئٹہ(سرائیکی نیوز۔ ظہیر احمد خٹک) وزیر اعلی بلوچستان میر عبدالقدوس برنجو نے سریاب روݙ تے واقع سرکاری گودام اچ لکھاں گندم دیاں بوریاں خراب تھیون تے برہمی دا اظہار کریندے ہووے آکھیا ھِ کہ محکمہ خوراک اپنڑی غفلت تے نا اہلی دے باعث گندم خراب کر ݙیتی ھِ عوام دے حقوق تے کہیں قسم دی وی سودے بازی نا تھیون ݙیسوں جو گندم خراب تھئی ھِ او وی ول ول مافیا دا ناݨ گھیدا ویندا پئے سیکریٹری خوراج فوری طور تے ایں مافیا کوں بے نقاب کرے تے میکوں جلد ایں بارے اچ آگاہ کیتا ونجے سیکرٹری خوراک کوں وزیر اعلی ڈسایا کہ ھک مافیا محکمہ خراک کوں بدنام کرن دی کوششاں کریندی پئی ھ جیندی وجہہ توں ہر سال گندم دیاں بوریاں خراب تھیون لگدیاں ھن وزیر علی بلوچستان نے صوبائی وزیر داخلہ میر سرفراز بگٹی تے مشیر خوراک ضیاء اللہ لانگو تے مشتمل ھک کمیٹی قائم کر ݙیتی باوثق ذرائع دے مطابق گزشتہ روز صوبائی کابینہ اچ وزیر اعلی بلوچستان میر عبدالقدوس برنجو اجلاس دے دوران سیکریٹری خوراک تے برہم تھئے گئے تے آکھیا کہ محکمہ خوراک کوں کیوں بدنام کیتا ویندا پئے تے محکمہ خوراک دے افسران و ملازمین دی وجہہ توں ہر سال لکھاں بوریاں گندم راب تھیندی ھِ ایں تے اساں کہیں وی صورت خاموش نی رہ سکدے جو وہ ملوث پایا ایندے خلاف سخت ایکشن گھیدا ویسے تے محکمہ کوںمافیا توں چھٹکارا ڈیوایا ویسی ۔

پاک فوج دءِ سرٻراہ ڄنرل قمر ڄاویڊ ٻاڄوہ دی ایران دے سفیر نال ملاقات

راوالپنڈی(سرائیکی نیوز) پاک فوج دے سربراہ جنرل قمر جاوید باجوہ نے ایران دے سفیر مہدی ہنر دوست نال ملاقات کیتی ۔ پاک فوج دے شعبہ تعلقات عامہ (آئی ایس پی آر ) دے مطابق جی ایچ کیو راوالپنڈی اچ ایرانی سفیر مہدی ہنر دوست نے پاک فوج دے سربراہ جنرل قمر جاوید باجوہ نال ملاقات کیتی جیندے اچ باہمی دلچسپی دے امور ، پاک ایران سرحدی انتظامات توں متعلق امور زیر غور آئے

پولیس دی قصور اچ پتنگ فروشاں دے خلاف وڈی کارروائی، ہزاراں پتنگاں تے چرخیاں برآمد

قصور(سرائیکی نیوز) سیکورٹی فورسز دی پتنگ فروشاں دے خلاف وڈی کارروائی، ھک ملزم کوں گرفتار کر گھیدا ، ہزاراں پتنگاں برآمد کر گھیدیاں، تفصیل دے مطابق سیکیورٹی فورسز نے قصور اچ پتنگ فروشاں دے خلاو وڈی کاررائی کریندے ہووے ھک ملزم کوں حراست اچ گھن گھیدا ملزم توں ہزاراں دی تعداد اچ پتنگاں تے ڈور دیاں چرخیاں برآمد کر گھیدیاں ، پولیس دے مطابق اے خونی گھیڈ ھِ جیندی ہرگز اجازت نی ݙیتی ونج سکدی۔

خانپور، قومی کرکٹ صہیب مقصود دی شادی اج ملتان اچ حرا کنول نال تھئی گئی

خان پور (سرائیکی نیوز۔ ذیشان انور) خان پور قومی کرکٹر صہیب مقصود دی شادی خان پور دی مشہور تجربہ کار ایل ایچ وی کوثر رشید تی دیھی حرا کنول دے نال شادی اج تھئی  ، شادی ملتان اچ تھئی ولیمہ کل ملتان اچ تھیسی۔

علی ترین کوں ہراوݨ والے پیر اقبال شاہ کیھڑی گڈی استعمال کریندن؟

لودھراں(سرائیکی نیوز۔ ملک مصطفی چنڑ) لودھراں دے ضمنی انتخابات اچ ن لیگ دے غیر معروف امیدوار پیر اقبال شاہ نے جہانگر ترین دے معروف پتر علی ترین کوں انتہائی درد ناک شکست نال ݙو چار کر ݙیتا ھِ تاہم ن لیگ دے امیدوار دے حوالے نال ایہو جئی معلومات سامنڑیں آئی ھِ جو کہ انہاں دی سادگی کوں بیان کریندی ھِ  پیر اقبال شاہ دے ذاتی استعمال اچ صرف ھک 2009 ماڈل دی گڈی ھِ جبکہ انہاں دے اثاثے 9 کروڑ 4 لکھ 85 ہزار روپے ھن جو کہ جہانگیر ترین دے مقابل ریت دے زرے دے برابر ھن۔

تفصیل دے مطابق پیر اقبال شاہ قریسی حلقے اچ سماجی شخصیت دے طور تے جانڑیں ویندے ھن انہاں دے ݙو پتر ھن جنہاں توں ھک رکن صوبائی اسمبلی ھِ اے لوگاں تے دم درعد کریندے ھن تے لوگ انہاں نال عقیدت وی رکھیندے ھن انہاں دے ذاتی استعمال اچ صرف ھک 2009 ماڈل دی گڈی ھِ پیر اقبال شاہ نے لاہور توں گریجویشن کیتے انہاں دا ذریعے معاش زمیدارا ھِ الیکشن کمیشن اچ انہاں نے 9 کروڑ4 لکھ 85 ہزار 123 روپے دے اثاثہ جات ظاہر کیتے ھن۔ او 2005 اچ تحصیل ناظم منتخب تھئے تے حالیہ بلدیاتی انتخابات اچ چیئرمین یونین کونسل منتخب تھئے یونین کونسل دی چیئرمین شپ توں استعفی ݙے تے قومی اسمبلی دا الیکشن لڑا ھِ تے جہانگیر ترین دے پتر کوں شکست ݙیتی ھِ

ݙوجہے پاسے پیر اقبال شاہ توں شکست کھاون والے علی خان ترین جہانگیر ترین دے اکلوتے پتر تے تریھ بھینڑاں دے بھیرا ھن علی ترین شادہ شدہ ھن تے ھک دیھی دے والد ھن، انہاں دے والد جہانگیر ترین رکن قومی اسمبلی تے تحریک انصاف دے جنرل سیکرٹری وی رھے ھن علی خان ترین دے اثاثہ جات دی مالیت تریھ ارب 63 کروڑ 31 لکھ 91 ہزار 33 روپے ھِ علی ترین نے بی بی اے کینیڈا توں کیتے لندن توں ایم بی اے کیتے جہانگیر ترین ھک سرمایہ دار ، شوگر ملاں دے مالک ذاتی جہاز رکھن والے ، منجھے ہووے سیاست دان تے تحریک انصاف دے جنرل سیکریٹری وی رھے۔

برکس کمپنی تے خانپور پولیس دا چھاپہ، چائیلڈ لیبر ایکٹ دے تحت منیجر تے بھٹہ مالک کوں گرفتار کر گھیدا

خان پور (سرائیکی نیوز۔ ذیشان انور ) اسٹنٹ کمشنر خان پور احمد رضا سراء ان ایکشن ، سپیشل برکس کمپنی تے اچانگ چھاپہ چائیلڈ لیبر دی خلاف ورزی تے سپیشل برکس کمپنی دے ݙو منیجرز موقع تے گرفتار، بھٹہ  مالکان تے منیجرز دے خلاف پولیس نے مقدمہ درج کر گھیدا ۔

ریسکیورز تحصیل صادق آباد اچ فخر صادق آباد دے حوالے نال تقریب

صادق آباد ( سرائیکی نیوز۔ محمد رمضان تھہیم) ریسکیو تحصیل صادق آباد اچ اج فخر صادق آباد دے حوالے نال تقریب دا انعقاد کیتا گئیا تقریب دا باقاعدہ آغاز تلاوت کلام پاک نال تھیا اسٹیج سیکریٹری دے فرائض پی آر او راشد مشتاق نے ادا کیتے ۔  ریسکیو سیفٹی افیسر عاشق محمود نے ریسکیورز نال خطاب کریندے ہووے آکھیا کہ اے تساݙی اپنڑی محنت ایمانداری تے جانفشانی دے نال شہریاں کوں خدمات فراہم کرݨ دا صلہ ھِ اساں تحصیل انتظامیہ تے انجمن تاجران  دے بے حد مشکور ھیں کہ انہاں اے کارد اساݙے کیتے فخر ریسکیو دی حیثیت رکھیندے مہنگائی دے ایں دور اچ ایں کارڈ نال ہسپتال کریانہ کلاتھ شاپس ، ٹیلر گارمنٹس شاپس جنرل سٹور میڈیکل سٹور توں ڈسکاونٹ تے دیگر اداریاں اچ کم کرݨ دے لحاظ نال وی آئی پی پروٹوکول حاصل کر سکدے ھن۔اسٹیشن کوارڈی نیٹر محمد شفیق نے ریسکیو رز نال خطاب کریندے ہووے آکھیا کہ تحصیل بھر دے اداریاں اچ خصوصی طور تے اساڑا ناں چنڑن ھی اسادے واسطے باعث فخر ھ اساں کوں اپنڑیں آپ تے فخر ہونڑں چاھیدا ھِ کہ اللہ نے اساں کوں فلاح انسانیت کیتے منتخب کیتے اساں اپنڑیں پروفیشنل رزق ہلال خدمت خلق اپنڑی ݙیوٹی تے فخر کرنا چاھیدا ھِ  ریسکیور  دی فلاح و بہبود کیتے ریسکیورز نے مینجمنٹ دے فرائض انجام ݙیتے۔

تحصیلدار صادق آباد نال بدتمیزی دے خلاف عملہ ریونیو دی ہڑتال

رحیم یار خان (سرائیکی نیوز) رحٰم یار خان دکیل دی طرفوں تحصیلدار صادق آباد دے نال بد تمیزی دے خلاف عملہ ریونیو نے کم چھوڑ تے ہڑتال کر ݙیتی   ، صادق آباد بار دے عہدیداراں دا وی تحصیل دار دے نال  اظہار یکجہتی

حکومت دے دعوے مٹی ت سواہ ثابت تھی گئے

تونسہ شریف. (سرائیکی نیوز۔ نعیم اختر تونسوی) ن لیگ دی حکومت دے دعوے دهرے دے دهرے رہ ڳئے.  تونسہ شریف اچ مین لوڈ شیڈنگ عروج ت ھ. نا گیس ھ،  نا بجلی ھ، ت نا ہی پاݨی.  شہریاں نے سماجی کارکن شعیب دانش دی امامت اچ کلمہ چوک تونسہ اچ واپڈا دا جنازہ پڑهیا.

ت نال ای الٹی میٹم ݙتا کہ اگر کل تک لوڈشیڈنگ ختم نہ کیتی ڳئی تاں قل خوانی واپڈا تونسہ دے دفتر اچ ہوسی،  جبکہ ٻئے پاسے واپڈا دی انتظامیہ بجائے عوامی مسائل حل کرݨ دے الٹا عوام کوں ݙونہاں ہتھاں نال لٹݨ اچ مصروف ھ.

نویں میٹر لواوݨ آلے مٹھائی دے ناں ت رشوت ݙیوݨ کیتے مجبور ہن.

لودھراں دے ضمنی انتخابات اچ پی ٹی آئی کوں شکست

لودھراں(سرائیکی نیوز) لودھراں حلقہ این اے 154 دے ضمنی الیکشن اچ پی ٹی آئی کوں بد ترین شکست حکمران جماعت دے امیدار جیت گئے ، لیگی امیدوار اقبال شاہ نے ھک لکھ ١٣ ہزار ٤٥٢ تے تحریک انصاف دے علی خان ترین نے 85 ھزار 966 ووٹ حاصل کیتے، تحریک لبیک یا رسول اللہ  نے 10 ہزار 275  تے پیپلز پارٹی نے صرف 3 ہزار 198 ووٹ حاصل کیتے۔

مخیر حضرات دے تعاون نال صادق آباد اچ صفائی دی صورتحال بہتر بڑائی ویسی، ایف یونائیٹڈ ویلفیئر سوسائٹی

صادق آباد(سرائیکی نیوز۔ محمد رمضان تھہیم) صادق آباد اچ صفائی دی صورتحال کوں بہتر بنڑاوݨ واسطے مخیر حضرات دے تعاون دے نال ایف یونائیٹڈ ویلفیئر سوسائٹی نے گند کٹھاں کرݨ واسطے ہر جاء تے ٹوکریاں لا ݙیتیاں، تاکہ دکاندار گند انہاں اچ سٹھن تے اپنڑاں شہر کوں صاف ستھرا رکھن۔

بلاول بھٹو دا حکم رکنیت سازی مہم، یونین صادق آباد یونین کونسل 160 دے غریب عوام دا بھٹو نال رشتہ قائم و دائم

صادق آباد (سرائیکی نیوز۔ محمد رمضان تھہیم) صادق آباد تے مختلف مقامات تے چیئرمین بلاول بھٹو زرداری دا حکم رکنیت سازی مہم دے سلسلے اچ یونین کونسل 160 پی دے غریب عوام تے بھٹو دا رشتہ قائم و دائم، جئے بھٹو عوام ، رئیس جاوید ورند وڈے بھیرا اے ڈی شہکی ، چیب کھوکھر امداد سولنگی بختیار سولنگی تے دیگر دے ہمران ایڈووکیٹ جہانگیر ورند تنظیم سازی دی کال تے حاضر ڈیوٹی

ورکرز تےالیکٹیبل دے درمیان کھچی لکیر ختم کرنا ہوسی، راجہ محمد سلیم

خان پور (سرائیکی نیوز۔ ذیشان انور) پی ٹی آئی دی اج ہار تے بہوں افسردہ ھیں ہار قبول کریندے ھیں تے جیتݨ والیاں کوں مبارکباد پیش کریندے ھیں ، پی ٹی آئی کوں فی اینڈ فیئر پارٹی الیکشن کرا کے حقیقی عوامی قیادت سامنڑیں گھن تے پالیسی بدلݨ دی لوڑ ھِ  ورکر تے الیکٹیبل دے درمیان کھچی لکیر ختم کرنا ہوسی عوامی منشور عام دے سامنڑیں پیش کرنا ہوسی گروپنگ دا خاتمہ میرٹ تے ٹکٹ تے عہدیاں دے فیصلے کرنا ہوسن عمران خاں کوں ڈسٹرکٹ لیول تک دے معاملات خود ڈیکھنڑیں ہوسن راجہ محمد سلیم ایم این اے نے آکھیا کہ  اے پارٹی سب دی پارٹی ھِ غلطیاں دی نشاندہی اساں کر سکدے ھیں تے بہتری دی تجاویز وی ڈے سکدے ھیں

کمشنر بہاولپور ثاقب نثار دی مورچہ بند پولیس اہلکاراں دے نال ملاقات

صادق آباد(سرائیکی نیوز۔ محمد رمضان) سرکل صادق آباد تھانڑیں ماچھکہ پولیس کیمپ حسن شہید تے کمشنر بہاول پور ثاقب نثار مورچہ بند پولیس اہلکاراں نال ملاقات کر تے انہاں دی حوصلہ افزائی کرݨ دے دوران اسلحے دا جائزہ گھیندے ہووے۔

بہتر شہر ۔ بہتر زندگی دی شرٹ اچ انشاء اللہ 20 فروری توں صفائی مہم چلیسوں

خان پور(سرائیکی نیوز۔ذیشان انور) بہتر شہر ۔ بہتر زندگی دی شرٹ اچ انشاء اللہ 20 فروری توں میونسپل کمیٹی خان کوں احسان ڈیواوݨ کیتے بہتر شہر بہتر زندگی دی ٹیم وستی فتح محلد توں صفائی مہم شروع کریسی۔ دوستاں اے ساری تکلیف تے نا انصافی کوں ݙیکھ تے ھک نیک عمل شروع کرن دا ارادہ کیتے جیندے اچ گلشن عثمان کالونی ، وستی سمابہ خان ، وستی فتح محمد ، محلہ دین محمد ، بی ٹی ایم تے وستی ھکڑہ دی 50 پوائنٹس دی نشاندھی کیتی گئی ھائی جیندے اچ کھلے مین ھول ، ابلدے گٹر ، گلیاں اچ کھڑے گندے پانڑیں دے جوہر وغیرہ شامل ھن ، جئیں ویلے میونسپل کمیٹی نے نظر انداز کر ݙیتا تے میکوں احساس تھئیا کہ حلقے دا اے حال ھِ تاں جئیں گلیاں اچ گندے پانڑیں دے جوہر ھن  اوں شہر دا کیا حال ہوسی انور عباسی کونسلر نے دوستاں توں اپیل کریندے ھیں کہ نیک عمل اچ ممبر بن تے اساڈے نال تھیون اساں تساڈے گلی کوچیاں کوں صفائی کر کے میونسپل کمیٹی احساس ڈویندے  رھاسو۔

مولانا طارق جمیل ١٥ فروری کوں شاہ دین خطاب کریسن

ڈیرہ غازیخان(سرائیکی نیوز۔ محمد نعیم تونسوی) مولانا طارق جمیل ١٥ فروری دی ڈوپہار کوں مدینہ رائس فیکٹری صدر دین تشریف گھن آسن، تفصیل دے مطابق مولانا طارق جمیل ١٥ فروری بروز جمعرات ڈوپہار ھک وجے تک مدینہ رائس فیکٹری تحصیل صدر دین پل شیخانی غلام شبیر خوجہ، محمد اسماعیل خوجہ دے شیلر تے تشریف گھن آسن، جیتھاں او ٹھیک ھک وجے خطاب فرمیسن۔

پیپلزپارٹی نے ملک گیر تنظیم سازی شروع کیتی ھِ ، جیندے اچ نوجوان شامل تھیون، بلاول بھٹو زرداری

خان پور (سرائیکی نیوز۔ ذیشان انور) پیپلز پارٹی دے چیئرمین بلاول بھٹو زرداری دا خان پور اچ کارکناں نال ہولو گرام ٹیکنالوجی دے ذریعے کارکناں دے نال خطاب کیتا گئیا جو٧ منٹ جاری رھیا ، ماڈل ٹون گروانڈ اچ پینڈال سجایا گئیا جیتھاں کارکناں بلاول بھٹو زرداری دا خطاب سنڑدے ھی جھومرݨ لگ گئے۔ بلاول بھٹو نے آکھیا کہ پیپلز پارٹی نے ملک گیر تنظیم سازی شروع کر رکھی ھِ  پاکستان دے 63 فیصد آبادی نوجواناں دی ھِ ایں واسطے سبھ کوں پیپلز پارتی اچ شمولیت دی دعوت ݙینداں

ریسکیو اہلکاراں نے عباسیہ نہر اچ ݙوبݨ والے محمد اسلم دی نعش ریسکیو کر گھیدی

خان پور (سرائیکی نیوز۔ ذیشان انور) لڑی امیر دین نہر عباسیہ اچ ڈوبݨ والے محمد اسلم دی نعش ریسکیو کر گھیدی گئی ، ریسکیو ذرائع تفصیل دے مطابق لیاقت پور توں خان پور ونجن والی بولان تیز رفتاری دے باعث نہر اچ ڈھہہ گئی ھائی خان پور ریسکیو نے محمد ندیم کوں زندہ کڈھ گھیدا ھا ١٠ گھنٹے بعد نہر توں بولان تے محمد ندیم دی نعش ریسکیو کر گھیدی ھِ

١١٢٢ دے ایماندار نوجواناں دی فرض شناسی

صادق آباد(سرائیکی نیوز۔ محمد رمضان تھہیم) ریسکیو 1122 دے جانباز، فرض شناس تے ایماندار جواناں کوں سلام، گزشتہ رات موٹر سائیکل حادثہ اچ جاں بحق تھیون والے نوجوان دی جیب توں ملݨ والی ھزاراں روپے دی نقدی ھسپتال اچ ھی انہاں دے وارثاں دے حوالے کرݙیتی۔

تیزرفتاری دی وجہہ توں شہزور نے موٹر سائیکل سوار کوں ٹکر مار ݙیتی، ھک ہلاک و زخمی

صادق آباد(سرائیکی نیوز۔ محمد رمضان تھہیم) صادق آباد چک نمبر ١١ جمال دین والی روڈ تے شاہزور دی موٹر سائیکل کوں ٹکر، تفصیل دے طابق جمال دین روڈ تے سائیڈ تے چلدے موٹر سائیکل کوں شہزور گڈی نے ٹکر مار ݙیتی ٹکر دی وجہہ توں موٹر سائیکل سوار موقع تے دم توڑ گئیا ، ریسکیو اہلکار جائے وقوع تے پھج گئے تے اھک شخص کوں زخمی حالت اچ ٹی ایچ کیو ہسپتال منتقل کر ݙیتا ، ریسیکو اہلکاراں دے مطابق حادثہ تیز رفتاری دی وجہہ توں پیش آیا ، انہاں آکھیا کہ جاں بحق تھیون والے دی جیب اچوں 42615 روپے نکلے ھن جو ورثاء کوں ڈے ݙیتے گئن۔

گلیاں اچ گندے پانڑیں دے جوہر ن لیگی دے عہدیداراں دی نا اہلی دا ثبوت ھِ ، راجہ سلیم

خان پور(سرائیکی نیوز۔ ذیشان انور) پی ٹی آئی دے رہنما راجہ سلیم دا ساتھیاں دے نال پاکستان کالونی دا وزٹ، تفصیل دے مطابق رہنما پی ٹی آئی راجہ سلیم نے ساتھیاں دے ہمراہ پاکستان کالونی دا دورہ کیتا، جیندے اچ اہل علاقے نے انہاں کوں  سیوریج تے صفائی دی ابتر حالت بارے ڈسایا، اہل علاقے نے ن لیگ مردہ باد تے پی ٹی آئی زندہ باد دے نعرے وی لاتے ،  راجہ سلیم نے آکھیا کہ گلیاں اچ مستیاں کریندا سیوریج دا گندا پانڑیں ن لیگی نمائندگان دی نا اہلی دا منہ بولیندا ثبوت ھِ انہاں آکھیا کہ لوگ اپنڑیں گھراں اچ قید تھئی تے رہ گئے ھن تے ذمہ داران خاموش تماشہ ڈیکھدے بیٹھن، راجہ سلیم نے آکھیا کہ اساں عوام دے نال مل تے نا اہل حکمراناں دا احتساب کریسوں۔

تیزہوا تے اندھاری دے نال بجلی دا تار ترُٹ گئیا، لکھاں دا مال سڑھ گئیا

صادق آباد(سرائیکی نیوز۔محمد رمضان تھہیم)تیزہوا تے اندھاری دے نال بجلی دا تار ترُٹ گئیا، لکھاں دا مال سڑھ گئیا تفصیل دے مطابق صادق آباد دے چوک شہباز پور ، تیز ہوا تے اندھاری،  دے نال بجلی دی تار ترٹ تے دکان تے ڈھہہ پئی جیندے نال لکھاں روپے دا سامان سڑ گئیا۔

عائشہ اکرم نے برین آف بہاول پور دی ڈوجہی پوزیشن حاصل کر گھیدی

صادق آباد(سرائیکی نیوز۔محمد رمضان تھہیم)پیراماونٹ گرامر اسکول سیٹلائٹ ٹاون دی برین آف صادق آباد دا اعزاز حاصل کرݨ والی طالبہ عائشہ اکرم کوں برین آف بہاول پور ڈویزن مقابلہ اد ڈوجہی پوزیشن حاصل کرݨ تے سکول پرنسپل ، سٹاف تے طلبہ و طالبات کوں مبارکباد پیش کیتی۔

سید مخدوم سید علی حسن گیلانی مسلم لیگ کوں خیر آٻاڊ آکھ گئے

احمد پور شرقیہ (سرائیکی نیوز۔ عطاء المومن) سید مخدوم سید علی حسن گیلانی ایم این اے حلقہ این اے 183 نے مسلم لیگ نواز شریف کوں چھوڑݨ دا اعلان کر ݙیتا۔

راجن پور ڈی ای او سکول دا اچانک دورہ

راجن پور (سرائیکی نیوز۔ذوالفقار علی شاہ )ڈی ای او گرلز اسکول دا اچانک دورہ۔  راجن پور دے علاقے روجھان دے ٤ سکولاں دا اسٹاف مکمل طور تے غائب راجن پور ڈی ای او فوزیہ حنا نے تمام اسٹاف کوں معطل کر ݙیتا ، راجن پور دے تمام سکولاں دے اسٹاف کوں اپنڑیں ریکارڈ سمیت سوموار کوں دفتر ڈی ای او حاضر تھیون دا نوٹس لکھ ݙیتا۔ راجن پور دے سکول مکمل طور تے بند اسٹاف نا ہوون دی وجہہ توں بال اپنڑیں گھراں تے تعلیم حاصل کرݨ لگ گئے وستی شیخاں مکم طور تے بند تھئی، غی غی پی ایس وارڈ نمبر   ٤ تے ٧  شہزاد ماڈل فارم جی جی پی ایس برکت علی ، جی جی پس ایس ٢ راجن پور ، غیر حاضر تمام اساتذہ دے خلاف انکوائری کیتی ویسی۔

ترمن چیک پوسٹ کے پی کے شوگر ملز مالکان دی ھٹ دھرمی، گنا خریدݨ توں انکاری

تونسہ شریف (سرائیکی نیوز ۔ نعیم اختر تونسوی) ترمن چیک پوسٹ کے پی کے شوگر ملز مالکان دی ہٹ دھرمی. گنے دی خرید نہ کرن کیتے مل مالکان نے دفعہ 144 نافذ کرا ڈتا. پنجاب دے کاشتکاراں نے احتجاج دے طور ت ترمن چیک پوسٹ آلی جاہ ت انڈس ہائی وے بند کر ڈتی. روڈ بلاک کر ڈتا.روڈ دے ڈونہاں پاسے ٹریفک دیاں لمبیاں لائیناں لگ گئیاں.

کالاکالونی دی سڑک دے منڈھ تے 2 بوری بند لاشاں برآمد

ݙیرہ غازیخان (سرائیکی نیوز۔ محمد نعیم تونسوی) تھانڑاں کالا دی حدود اچ کالا کالونی دے لنک روڈ دے منٹھ دے نال ٢ نامعلوم بوریاں بند لاشاں ملیاں جنہاں دی ہن تک کوئی شناخت نی تھئی۔ پولیس نے لاشاں قبضے اچ گھن تے تفتیش شروع کر ݙیتی۔

قصبہ بیروٹ مندوانی دی ھک ہفتے توں بجلی واپڈا بند کر ݙیتی

ھک بندے دے بجلی دے بل ادا نا کرݨ دی وجہہ توں واپڈا انتظامیہ دی غنڈہ گردی پورے قصبے دے بجلی دیاں تاراں کٹ تے چلے گئے

مکین قصبہ بیروٹ مندوانی نے وزیر اعلی پنجاب شہباز شریف تے اعلی حکام توں مطالبہ کیتا کہ ایں معاملے دا نوٹس گھیدا ونجے لوگ مسیتاں اچ پانڑیں نا ہون دی وجہہ توں  رہ ویندن

تونسہ شریف (سرائیکی نیوز۔ نعیم اختر تونسوی)واپڈا انتظامیہ دی قصبہ بیروٹ مندوانی تے بادشاہی، حکومت کوں اپنڑیں راج نال غرض لوگ مسیتاں اچ وضو توں رہ گئے، تفصیل دے مطابق قصبہ بیروٹ مندوانی وچ واپڈا انتظامیہ دی اپنڑی حکومت تے راج قائم تھئی چکے ، واپڈا انتظامیہ پورے قصبے تے قابض ھِ پہلے بجلی دی طویل لوڈشیڈنگ رھاندی ھائی ہون کہیں ھک دا کیتا سبھ بھگتن والی مثال ھئی گئے ، قصبہ بیروٹ مندوانی دے غریب بے کس رھائشیاں دی بجلی کٹ ݙیتی ، واضح رھاوے انتظامیہ نے نادھندگان دے خلاف قانونی کارروائی کرِݨ دی بجائے پورے قصبے دی بجلی کٹ ڈیتی۔ قصبہ بیروٹ مندوانی دا تعلق ٹرائیبل ایریا (تونہ) ضلع ڈیرہ غازیخان نال ھِ اے قصبہ ھک ہفتے توں بجلی توں محروم ھِ بجلی سی سپلائی مین لائناں توں کٹ ݙیتی گئی ھ ڈسایا ویندی کہ بل دی ادائیگی نا کرݨ دی وجہہ نال اے کیتا گئے ، قصبے دے رھائشیاں نے ڈسایا کہ پتر دے جرم دی سزا ایندے 80 سالہ بڈھڑے والدین، ایندے بھیرا، بھینڑیں ، بالاں ، ہمسائیاِں تے قصبے دے دیگر لوگاں کو ڈے ݙیتی ھِ اہلیان قصبہ بیروٹ مندوانی نے آکھیا کہ الیٹریسی ایکٹ 1910 دفعہ 39 کیں ویلے لاگو تھئیپولیس انتظامیہ کوں ایں اچ مزید تربیت ݙیون دی لوڑ ھِ مساجد اچ لوگ پانڑیں نا ہوݨ دی وجہہ توں وضو کرݨ توں رہ گئے ، قصبے دے رھائشیاں دے بال سکولاں اچ پانڑیں پیوݨ توں محروم، واپنڈا تے کن تے جوں وی ی رینگدی اہل قصبہ نے مطالبہ وزیر اعلی توں مطالبہ کیتا کہ صرف بجلی چوری کرن والے دے خلاف کارروائی کیتی ونجے کہیں ھک دی وجہہ توں سبھ کوں سزا نا ڈیتی ونجے تے واپڈا دے ہتھ یرغمال بنڑن والے قصبے دے لوگاں نال انصاف کیتا ونجے انہاں کوں واپڈا توں بلیک میل تھیون توں بچایا ونجے۔ قصبہ بیروٹ نے واپڈا دے اعلی حکام تے وزیر اعلی شہباز شریف کوں فوری طور تے بجلی دے معاملے کوں حل کرݨ دی ارداس کیتی۔ انہاں آکھیا کہ پورے قصبے دی بجلی کیھڑے قانون تے بند کیتی گئی ھِ

پیپلزپارٹی ، صادق آباد اچ رکنیت سازی فارم جیالیاں اچ تقسیم

صادق آباد (سرائیکی نیوز۔ محمد رمضان تھہیم) بشیر احمد سومرو رئیس پاکستان پیپلز پارٹی سیکرٹریٹ صادق آباد اچ رکنیت سازی فارم ذمہ داران جیالیاں کوں تقسیم کریندے ہووے جنرل سیکریٹری جہانگیر ورند ایڈدوکیٹ ، طیب کھوکھر ، اے ݙی شہکی تے دیگر نے شرکت کیتی۔

سرائیکی نیوز دی خبرتے ایکشن چیف افسر محمود علی  سارا گند صاف کروا ݙیتا

ایمانداری دی زندہ مثال ، فاروق اے ایس آئی تھانڑاں  نے ثبوت ݙے ݙیتا

صادق آباد(سرائیکی نیوز۔ محمد رمضان تھہیم) ایمانداری دی اعلی مثال، ٹلو روڈ تے ایکسیڈنٹ دے دوران ہلاک تھیوݨ والے محمد بوٹا مرحوم دی جیب توں نکلݨ والی رقم ݙو لکھ انوجھا ہزار روپے فاروق اے ایس آئی تھانڑاں صدر نے مرحوم دے ورثہ دے حوالے کر ݙیتی۔

تھانڑاں ظاپر پیر تے نویں تعینات تھیون والے ایس ایچ او دے نال نال پریس کلب عہدیداراں دی تعارفی ملاقات

خان پور(سرائیکی نیوز۔ذیشان انور) تھانڑاں ظاہر پیر اچ نویں تعینات تھیوݨ والے ایس ایچ او اپسنپکٹر ظہر الدین ݙیوݙ نال پریس کلب ظاہر پیر  دے وفد دی تعارفی ملاقات، معاشرے دی اصلاح کیتے میڈیا تے پولیس دے باہمی روابہ دے بارے تفصیلی گالھ مہاڑ تھئی ، میڈیا دی بروقت نشاندہی نال جرائم دا ختم ممکن ھِ ایس ایچ او پریس کلب رجسٹرݙ ظاہر پیر دے وفد اچ عہدیداران تے اراکین پریس کلب اچ مہر اللہ ݙتہ اسد ، میاں الطاف فرید ، جام عقیل اظہر ، جام احمد زبیر ، محمد رمضان بھٹی ، افضل خان رند ، ڈاکٹر ندیم تبسم ، زبیر رشید رند ، جام راشد اقبال تے محمد مدنی ارشد ہاشمی شریک ھن۔

٦ سالہ وقاص دی قاتل اپنڑی سگی ماں نکلی

رحیم یار خان (سرائیکی نیوز) ٦ سالہ مقتول وقاس دی ماں اتنی سنگدل آخر کیوں، تفصیل دے مطابق جنوری کوں قتل تھیون والے چھ سالہ وقاص دی قاتل سگی ماں نکلی ، اقرار جرم کر گھیدا ماں نے اپنڑیں پنجھ سگے پتراں کوں گلہ دبا تے، تے چھریاں دے وار کر تے قتل کیتا ھا، پنجھ جنوری کوں چھ سالہ وقاص دی تشدد زدہ لاش گھر توں برآمد تھئی پولیس تھانڑاں سٹی ڈویزن اچ قاتل ماں دی ہی مدعیت اچ مقدمہ درج کیتا گئیا ھا ، بال کوں سینڑانڑیں دے نال ساہ بند کر تے ملزمہ نے قتل کیتا ، اپنڑیں جرم کوں لکاوݨ کیتے بال دی لاش تے چھریوں دے وار کیتے گئے ، شاہنوار چاچڑ، پولیس نے دوران تفتیس ماں توں سوالات کیتے جیندا ملزمہ نسیم نے اعتراف کر گھیدا ، شاہنواز چاچڑ پولیس نے ملزمہ کوں گرفتار کر کے مزید تفتیش شروع کر ݙیتی۔

وستی مرید خان دے نال تیز رفتار موٹر سائیکل تصادم اچ ھک بندہ جاں بحق تے ھک زخمی تھئی گئیا

خان پور (سرائیکی نیوز۔ ذیشان انور) وستی مرید خان سرائی دے نال ݙو تیز رفتار موٹر سائیکلاں دی ٹکر نال نوجوان ڄاں بحق تے ھک زخمی تھئی گئیا، ریسکیو 1122 دے مطابق جاں بحق تھیون والے ٣٠ سالہ نوجوان دا ناں بلال جبکہ زخمی تھیون والے ٢٨ سالہ اسلم شامل ھن، زخمی کوں طبعی امداد واسطے ہسپتال بھیجوا ݙیتا گئیا ۔

، ٥٠٠ ٹینڈراں اچ بے ضابطگیاں دا انکشاف ، کم رکوا تے من پسند لوگاں کوں ٹینڈر ݙے ݙیتے

رحیم یار خان (سرائیکی نیوز۔ ݙاکٹر اسمعیل قادر)ضلع کونسل دے 500 ٹینڈراں اچ بے ضابطگیاں دا انکشاف ، عملے دی بجائے وݙے ٹھیکدار ٹینڈر ایشو کرݨ لگ گئے ، 150 وڈے کم ر تے من پسند ٹھیکیداراں کوں ڈیوݨ دا سلسلہ شروع، من پسند ٹھیکیداراں کوں ٹینڈر ڈیون دی وجہہ نال محکمے کوں فیس دی مد اچ کروڑاں دا نقصان، بیشتر کم بغیر ٹینڈر فیس دے جاری کیتے گئے ھن ، انتامیہ تے متعلقہ محکمیاں نے مک مکا کر تے خاموش ، آفیشل فون نمبر سنڑن بند کر ݙیتے۔

راو ظفر اقبال عمرے دا ٹکٹ ݙیندے ہووے

خان پور (سرائیکی نیوز۔ ذیشان انور) راو ظفر اقبال چیئرمین مارکیٹ کمیٹی خان پور احمد کلاتھ دی طرفوں تھیون والی قرعہ اندازی اچ  عمرے دا ٹکٹ جیتن والے کوں خوش نصیب کوں عمرے دا ٹکٹ ݙیندے ہووے

اے ٹی ایم سکینڈل دے بعد بینک توں پیسے غائب تھیون دا سکینڈل

راوالپنڈی (سرائیکی نیوز۔کامران سعیدی) راوالپنڈی اچ اے ٹیم ایم سکینڈل دے بعد بینک توں پیسے غائب تھیون دا ھک بیا سکینڈل سامنڑیں آ گئیا ، سرکاری ریٹائرڈ ڈاکٹرز دے اکاونٹ توں ١٠ لکھ روپے غائب تھئی گئے ڈونہاں میاں بیوی نے ریٹائرمنٹ دے بعد جمع پونجی بینک اچ جمع کروائی ھائی

تفصیل دے مطابق بینک توں پیسے غائب تھیون دا ھک بیا واقعہ ریٹائرڈ لیڈی ڈاکٹر تے سرجن ڈاکٹر طفیل دے نجی بینک توں ١٠ لکھ  غائب تھئی گئے ڈونہاں میاں بیوی نے ریٹائرمنٹ دے بعد جمع پونجی بینک اچ جمع کروائی ھائی جعلی دستخط کر تے اکاونڈ ہولڈر دے پیسے کڈھوا گھیدے گئے ۔ متاثرین دے مطابق بینک اچ موجود عملے نے انشورنس دا ڈرامہ رچایا تے پیسے کھا گئے ۔ بڑھاپے اچ مدد دی بجائے جمع رقم کوں فراڈ ، جعلی دستخط نال ہتھیاوݨ ظلم ھِ اکاونٹ ہولڈر کوں بینک نے ڈال لکھ روپے کلیم کر ݙیتے ڈاکتر طفیل نے میڈیا نال گالھ مہاڑ کریندے ہووے آکھیا کہ میں میڈیا نال ایں واسطے مخاطب ھاں کہ لوگ ھوشیار رھاون، ایف آئی اے نے تحقیقات شروع کر ݙیتی

فیصل آٻاڊ اچ نوجواناں نے پابندیاں کوں پتنگاں ڊے نال اݙا ݙیتا

فیصل آباد (سرائیکی نیوز) فیصل آباد والیاں نے پابندی ہوا اچ اڈا ڈیتی رات بھر منچلے بسنت منیندے رہے ہوائی فائرنگ وی کیتی ، پکڑ دھکڑ دے باوجود نوجواناں نے اپنڑاں شوق پورا کرݨ مصروف رہیے۔

تفصیلات ڊے مطابق فیصل آباد اچ بسنت جوش و خروش نال منائی ویندی پئی ھِ رات بھر منچلے عابد شیر علی تے رانا ثناء اللہ دے علاقے ناظم آباد سمیت شہر بھر اچ ہوائی فائرنگ کیتی ، پٹاخے وجیندے رہے۔

پولیس دی پکڑ دھکڑ دے باوجود منچلیاں نے اپنڑاں شوق پورا کیتا پولیس نے کریک تاؤن کر تے کائٹ فلائنگ ایکٹ دے تحت ڈو سو توں زائد مقدمات درج کیتے گئے پولیس نے 250 توں زاہد منچلیاں کوں گرفتار کر گھیدا ، رات بھر 5000 پتنگاں 400 چرخیاں پکڑیاں ، فیصل آبادیاں دا آکھ مچولی دا کھیڈ ھن وی جاری ھِ

زمین دے تنازعے تے ١٢ سالہ حنان تے ٨ سالہ بالڑی زخمی

خان پور (سرائیکی نیوز۔ذیشان انور) تھانڑاں صدر دے علاقے چک 70 اچ زمین دے تنازعے تے فائرنگ، تفصیل دے مطابق فائرنگ نال ١٢ سالہ حنان تے ٨ سالہ بالڑی تے عابد اختر زخمی تھئے ھن ، چک نمبر 70 اچ زمین تے تنازعے کافی عرصے توں چلدا آندا ھا جئیں وجہہ توں اے واقعے پیش آئے پولیس تھانڑاں صدر خان پور موقع تے پھج گئی تے تفتیش شروع کر ݙیتی۔

کیبل آپریٹرز کوں لائسنس نا رکھݨ والے 79 چینلز دی نشریات بند کرݨ دا حکم

خان پور(سرائیکی نیوز۔ ذیشان انور) کیبل آپریٹرز کوں لائسنس نا رکھݨ والے 79 چینلز دی نشریات بند کرݨ دا حکم، تفصیل دے مطابق پیمرا لاہور نے کیبل اپریٹرز کوں لائسنس نا رکھن والے ٧٩ چینلز دی نشریات بند کرݨ دا حکم ڈے ݙیتا ، حکم نامے اچ آکھا گئیا ھِ کہ کیبل آپریٹر پیمرا قوانین دے مطابق لائسنس دے بغیر کوئی وی چینل کوں نشر نی کر سکدا لہذا فوری طور تے ایہو جئے چینل کوں بند کر ݙیتا ونجے جو بغیر لائسنس دے اپڑیں نشریات جاری رکھئی پئے ھن تے حکم تے عمل نا کرن والے کیبل آپریٹرز کوں معطلی سمیت بھاری جرمانے تے انہاں دے لائسنس منسوخی دی سزاواں ڈیتیاں ویسن، پمیرا دے حکم نامے دے تحت کیبل اپریٹرز کو جنہاں چینلز دی نشریات بند کرن دا حکم ݙیتا گئیا ھِ انہاں اچ برکات ٹی وی، ،چیمپئن ٹی ویسنی پی کےسنی پلیکس،سینما 1سینما 2ڈائمنڈ ٹی وی،ای ٹی وی،فلک نیوز،،11 نیوز،،7/24 نیوز،،اے ایس نیوز،اے ٹی وی،،فلم ون،،فلم ایشیا،فلمو ردھم،جی ٹیلی وژن،جی ورلڈ،گلوبل نیوز،گلوبل پنجاب،گاڈ بلیس ٹی وی،گولڈ ٹی وی،جی آر 8،ہادی ٹی وی،ہم سب،آئزک،جیٹ ٹی وی،جوائے،کنگ ٹی وی،لائف مہک،میسج ٹی وی،ایم کے،ایم ایل کیو مو ویز،مووی ٹائم،موویز 24،موویز میکس،موویز ون،میوزک باکس،میوزک مستی،میوزک پی
این نیوز،آن ٹی وی،پاک پلس،پیغام،پریز ٹی وی،سر گم،شاپ ناؤ،سٹار ایکشن،سٹار سینما،سٹار میکس،ایس ٹی وی،سپر سکرین،تہلکہ نیوز،
تھیٹر ٹی وی،یونی پلس،وطن نیوز،وی ٹی وی،وسال اردو نیوز،1 ٹی وی،عروج گلوبل اے ایس موویز،آزاد ٹی وی،بقا ٹی وی،دھنک،
دل ٹی وی،فلم ورلڈ گلوبل، فلمیزیا،فلمیزیا گلوبل،گواہی، گرینڈ،ہمارا نیوز، کڈز 1،ایم 4 یو،ایم ایل کیو موویز،نور ٹی وی،آن نیوز ،پکار
تے سبون شامل ھن

یاد رھاوے کہ سرائیکی نیوز دی طرفوں متعدد وار خبر لائی گئی ھِ کہ کیبل نیٹ ورک آپریٹرز کوں پابند کیتا ونجے کہ او پاکستان اچ صرف پاکستان دے چینل براڈ کاسٹ کرے انڈین تمام چینل بند کیتے ونجے لیکن تاحال انڈین چینلز دی بھرمار ھِ کوئی ایکشن نی گھیدا گئیا۔

گنا کاشتکاراں ڊا احتجاج، سپریم کورٹ دے فیصلے تے ملز مالکان عمل کرݨ

چنی گوٹھ (سرائیکی نیوز۔ عطاء المومن) سپریم کورٹ آف پاکستان دے فیصلے دے عمل درآد نا تھیوݨ تے گنے دے کاشتکاراں نے چنی گوٹھ بائی پاس تے دھرنا ݙے تے کراچی لاہور پشاور روڈ ٹریفک واسطے بند کر ݙیتی ، میل لمبی لائناں لگ گئیاں، تفصیل دے مطابق سپریم کورٹ دے فیصلے تے عملدرآمد نا تھیون تے گنے دی خریداری نا تھیون تے گنے دے کاشتکاراں نے کسان اتحاد دے رہنما راو محمد فاروق ، چوہدری صلاح الدین کھرل، نصراللہ خان بلوچ ، افصل بگڑ ، جاوید کلیار، چوہدری عمران سندھو ، مہر ظفر محمود تے مہر عابدحسین دی سربراھی اچ چنی گوٹھ بائی پاس تے دھرنا ڈے تے بستر لا گھیدے جیں وجہہ توں کراچی ، لاہور ، پشاور روڈ تے کئی کلو میٹر لمبی ٹریفک دیاں قطاراں لگ گئیاں، کسان رہنماواں دا آکھن ھا کہ وسیب دی تریھ شوگر ملاں بند تھیون نال لکھاں ایکڑ تے کاشت فصل کھیتاں اچ کھڑی ھِ انہاں کوں خریدݨ والا کوئی نہیں، انہاں نے آکھیا کہ جہانگیر ترین نے سپریم کورٹ اچ گنے دی خریداری دا تحریری طور تے لکھ تے ݙیتا ھا کہ ایندے اُتے عملدرآمد نی تھیندا پیا کساناں نے آکھیا کہ اگر سپریم کورٹ وسیب دی بند تریھ شوگر ملاں کوں تریھ مال کیتے چلاوݨ دا آرڈر کر ݙیوے تے اساݙا گنا وک سکدا ھِ تے اساں آئندہ گنا کاشت ھی نا کریسوں کساناں نے آکھیا کہ جئیں ویلے تک حکومت اساڈے مسائل حل نہ کریندی اساں دھرنا ختم نا کریسوں، ایں موقع تے کساناں دی تعداد اچ مسلسل اضافہ تھیندا ویندے تے پولیس دی بھاری نفری تعینات کر ݙیتی گئی ھِ

ضلع رحیم یار خان دے 508 مقامات تے نماز جمعہ اجتماعات تے پولیس نافذ

رحیم یار خان (سرائیکی نیوز) ضلع رحیم یار خان اچ 508 مقامات تے نماز جمعہ دے پولیس نافذ، تفصیل دے مطابق اج جمعتہ المبارک دے ڈنہوار پورے ضلع رحیم یار خان اچ 508 مساجد دے اجتماعات دے موقع تے لوگاں دے جان و مال دی حفاظت واسطے پولیس تعینات کر ݙیتی گئی تاکہ تحفظ کوں یقینی بنڑایا ونجے پولیس دی طرفوں سیکوریٹی دے فل پروف انتظامات عمل اچ گھن تے آئے گئے۔ عوام نے ایں اقدام کوں چنگا قرار ڈیندے ہووے آکھیا کہ پولیس دا فرض بنڑدے کہ او عوام دی جان کوں مکمل تحفظ فراہم کرے۔

پنجاب حکومت دے ہتھ پٹھانڑاں دی ڈکھدی رگ آ گئی

پنجاب فوڈ اتھارٹی نے پٹھانڑاں کوں نسوار دا کاروبار بند کرݨ دی ٣١ مارچ دی ڈیڈ لائن ڈے ݙیتی

خان پور (سرائیکی نیوز۔ ذیشان انور) پنجاب حکومت دے ہتھ پٹھانڑاں دی ڈھکدی رگ آ گئی، تفصیل دے مطابق پنجاب فوݙ اتھارٹی نے پٹھانڑاں کوں نسوار دا کاروبار بند کرݨ واسطے ٣١ مارچ دی مہلت ݙے ڈیتی تفصیل دے مطابق پنجاب فوݙ اتھارٹی نے نسوار سمیت  تمباکو نال بنڑن والی مضر صحت اشیاء دے بنڑاون تے فروخت کرݨ تے مکمل پابندی لا ݙیتی، نسوار دا کم کرن والیاں کوں ٣١ مارچ تک دی ڈیڈ لائن نسوار ایجنسی ہولڈرز تے بنڑاواݨ والے اپنڑیں ایں کاروبار کوں کہیں ڈوجہے کاروبار اچ منتقل کر گھنن تمام وڈے ڈیلر تے فیکٹریاں کوں نوٹس جاری فوݙ اتھارٹی دی طرفوں نسوار تے لائی ونجن والی پابندی نال لکھاں ٹھاݨ ایندی زد اچ آسن، پٹھان اتحاد دے ذمہ داریاں نے پنجاب حکومت توں مطالبہ کیتے کہ الیکشن دی آمد آمد ھِ ایہو جیئے فیصلے تے نظر ثانی کیتی ونجے۔تے لکھاں پنجاب دے رہائشی پٹھانڑاں کوں بے روزگار تھیون توں بچایا ونجے تے نا ہی پختوناں کوں ایں نعمت توں محروم کیتا ونجے۔

ساری رات پکڑی ونجن والی نیل گائے سویرے مر گئی، وائلڈ لائف رحیمیار خان دا کارنامہ

ڈسٹرکٹ وائلد لائف رحیم خان دی پھرتیاں، نیل گائے سویر تک پکڑی تے رستے اچ مر گئی ، مرݨ دی ٹھوس وجہہ سامنڑیں نا آ سکی معاملہ رفع دفع

رحیم یار خان (سرائیکی نیوز) ڈسٹرکٹ وائلڈ لائف رحٰم یار خان دی پھرتیاں چار ڈنہوار اچ انڈیا توں آئی ہووئی لکھاں روپے مالیت دی نیل گائے ٨ فوری دی رات ھک وجے مجاہد کلیم نے اپنڑیں خصوصہ عملہ تے سرکاری ڈالہ 2017 تے بذریعے جال پکڑن دی کوشش شروع کیتی جو رات گئے تک ٹیم لگی رھائی آخیر کار سویرے سویرے ہتھے چڑھ گئی، تے ایندا منہ تے لتاں بدھ ݙیتیاں اے کارنامہ کہیں خصوصی آدمی کوں گفٹ کرݨ ویندے پئے ھن کہ رستے اچ ایندا دم گھٹن نال موت واقع تھئی گئے ھن محکمہ وائلڈ لائف دا عملہ تے افسران بالا خاموش کہ اتنا سرکاری نقصان تھیون دے باوجود کہیں نے مجاہد کلیم توں بازگشت نا کیتی کہ آخر معاملہ کیا تھئیا، کیندی غلطی ھائی سب معاملہ رفع دفع۔

صاڊق آٻاڊ، میونسپل کمیٹی ڊا عملہ خاموش تماشائی

صادق آباد(سرائیکی نیوز۔ محمد رمضان تھہیم) میونسپل کمیٹی دی طرفوں صادق آباد سٹی کوں صاف ستھراں بنڑاون دے سارے دعوے صرف دعویاں دی ھی رہ گئی جا جاہ تے گندگی دے ݙھیر لگ گئے ، گندگی دے ݙھیراں توں اٹھن والی بون نال شہری مختلف بیماریاں اچ مبتلا تھیون لگ گئے اے گندگی دے ݙھیر حسین آباد، غفور آباد ، اولڈ صادق آباد، مہاجر کالونی ، پبلک کالونی تے پنجاب سنیما روڈ لکڑی منڈے دے نیڑے شہر دی خوبصورتی تے میونسپل کمیٹی دی تعریف بیان کریندے نظر آندن۔ میونسپل کمیٹی انتظامیہ خواب خرگوش دے مزے گھیندی پئی ھِ تے سب چنگا ھِ دے موٹوو تے کم کریندے پئی ھِ تے اہلیان صادق آباد بیماریاں دا مقابلہ کرن اچ مصروف ھن، اہلیان صادق آباد نے اعلی احکام توں فوری ایں بارے نوٹس گھن دا مطالبہ کیتا تے آکھیا کہ متعلقہ اداریاں کوں پابند کیتا ونجے کہ او اپنڑاں کم دیانت داری نا انجام ڈیون اے نا کہ ھک مہینے بعد دفتر صرف تنخواہ گھن واسطے آون۔

آواݨ والی حکومت پی ٹی آئی ڊی ہوسی، جام زاہد گھلیجہ

خان پور (سرائیکی نیوز) پاکستان تحریک انصاف دے تحصیل نائب صدر و امیدوار حلقہ 288 جام زاہد گھلیجہ نے صحافیاں نال گالھ مہاڑ کریندے ہووے آکھیا کہ آون والا دور پی ٹی آئی دا ھِ ھن عوام تبدیلی ڈیکھن چاھندی ھِ عوام ن لیگ تے پیپلز پارٹے توں تنگ آ چکی ھِ کیونکہ اے ڈونہاں پارٹیاں کرپٹ ھن تے انہاں اچ مکم مکا تھئے چکے ھن انہاں دیاں واریاں نا آون ڈیسوں کیونکہ پی ٹی آئی دا سونامی انہاں کوں وھا تے گھن ویسی تے آون والے دور اچ پی ٹی آئی دی حکومت قائم ہوسی۔

مسلم لیگ ن تمام تر مشکلات تے سازشاں دے باوجود ترقیاتی منصوبے کم کرن اچ کامیاب

خان پور(سرائیکی نیوز۔ ذیشان انور) خان پور شہر دے واسطے سوئی گیس دے پنجھ نویں ٹی بی ایس منظور ، ٦،٨، تے ١٠ انچ دی چوڑی پائپ لائناں وچھائیاں ویسن جبکہ ایم این اے شیخ فیاض الدین نے جڑواں نہراں دے درمیان جاگنگ ٹریک کیتے 50 لکھ دی خطیر گرانٹ وی منظور کروا گھیدی ھِ جلد ھی انہاں منصوبیاں تے کم شروع تھئی ویسی اجتماعی مسائل دے حل کیتے مسلسل جدوجہد کرݨ تے خطیر گرانٹ منظور کرواوݨ تے ایم این اے 193 شیخ فیاض الدین دا اہلیان خان پور نے شکریہ ادا کیتا۔ انہاں خیالات دا اظہار مسلم لیگ ن دے رہنما شیخ وقار الدین یوتھ ونگ دے ضلعی سینئر نائب صدر چوہدری سلیمان نواز یوتھ ونگ حلقہ 193 دے صدر سردار جاوید بلوچ لغاری ، جنرل سیکریٹری عباس بلوچ ،  ، تحصیل صدر مظہر عباسی تے دیگر نے مسلم لیگ ن دے اجلاس توں خطاب کریندے ہووے کیتا انہاں آکھیا کہ ایم این اے 193 شیخ فیاض الدین دی طرفوں ایں نویں سال دے شروع تھیندے ھی سوئی گیس ، بجلی سمیت دیگر ترقیاتی منصوبیاں دی رفتار دی مظال نی ملدی سوئی گیس دی نویں تے چوڑی پائپ لائناں سمیت ٥ ٻی ایس دی وجہہ نال لکھاں شہریاں کوں درپیس سوئی گیس دے کم پریشر تے غیر اعلانیہ لوڈ شیڈگ دا مسئلہ مستقل بنیاداں تے حل تھئی ویسی تے شہر دے ہر گھر اچ سوئی گیس فل پریشر نال پھجسی انہاں آکھیا کہ جاکنگ ٹریک دی ڈویلپمنٹ جدید ترین بنیاداں تی کیتی ویسی تے 50 لکھ دی گرانٹ نال جاری تھیون والا جدید نقشہ وی چند ڈنہوار تک پھج ویسی جیندے ٹینڈر تھئی چکے ھن مسلم لیگ ن دے رہنماواں نے آکھیا کہ حکمران تمام تر مشکلات تے سازشاں دے باوجود ترقیاتی منصوبے کم کرن اچ کامیاب تھئی چکے ھن آئندہ چند مہینیاں اچ  رہے سہے ترقیاتی منصوبی وی مکمل کر گھیدے ویسن مسلم لیگ ن دے ارکان اسمبلی اپنڑی کارکردگی دی بنیاد تے عوام اچ ویسوں۔

پسند دی شاڊی کرݨ والا جوڑا عدالت سامنڑیں تحفظ واسطے پھج گئیا

خان پور(سرائیکی نیوز۔ذیشان انور) راوی ٹاون دی رھائشی عقیلہ بی بی اپنڑیں خاوند علی شیر دے نال احاطہ عدالت دے باہر صحافیاں نال گالھ مہاڑ کریندے ہووے آکھیا کہ میں اپنڑی مرضی تے خوشی نال علی شیر دے نال شادی کیتی ھِ تے اپنڑیں خاوند دے نال زندگی وساوݨ چاھندی ھاں میڈی شادی دا میڈے قریبی عزیزاں کوں رنج ھِ تے او مختلف حیلے بہانیاں نال میکوں تے میڈے خاوند کوں تنگ تے پریشان کریندے پئے ھن تے مختلف جھوٹے مقدمات اچ پھساوݨ دیاں دھمکیاں ڈیندے پئے ھن ، عقیلہ بی بی نے ڈی پی او رحیم یار  خان تحفظ فراہم کرݨ دی درخواست کر ݙیتی۔

تھانڑاں سٹی اچ الوداعی تقریب، ڈیس ایس پی دا تبادلہ

جلال پور پیروالہ(سرائیکی نیوز ۔ ملک محمد نواز ) تھانڑاں سٹی اچ الوداعی پارٹی ، ڈیس ایس پی دا تبادلہ، تفصیل دے مطابق ڈیس ایس پی جلال پور جام سلیم دے تبادلے دے بعد تھانڑاں سٹی اچ الوداعی تقریب رکھی گئی جیندے اچ دوستاں دے نال ڈیس ایس پی تے ایس ایچ او تھانڑان سٹی ظفر حسین گرواہ ، سینئر صحافی عارف خان صاحب ، محمد عبید وقاص صدیقی تے نمائندہ سرائیکی نیوز ملک محمد نواز نے شرکت کیتی۔

مارچ اچ ریحام خان دی تونسہ شریف آمد

تونسہ شریف (سرائیکی نیوز۔ نعیم اختر تونسوی)مارچ اچ ریحام خان دی تونسہ شریف آمد، جلسہ عام توں خطاب کریسی، مارچ دے پہلے ہفتے   سردار نذر حسین خان کلاچی چئیرمین یوسی نتکانی دی دعو تے ریحام خان تونسہ شریف دا دورہ کریسن ، کلمہ چوک تونسہ تے جلسہ عام نال خطاب وی کریسن۔میڈیا نال گال مہاڑ کریندے ہوئے سردار نذر حسین کلاچی نے آکھیا کہ ریحام خان بذریعہ اے ٹی آر طیارہ تونسہ شریف پیر پٹھان دی دھرتی ت لینڈ کریسن.

علامہ خادم حسین رضوی دی تونسہ شریف آمد

تونسہ شریف(سرائیکی نیوز۔ نعیم اختر تونسوی) علامہ خادم حسین رضوی دی تونسہ شریف آمد، تفصیل دے مطابق علامہ خادم حسین رضوی تونسہ شریف آسن٢٦ فروری کوں ڈوپہار  تونسہ شریف دے کمال پارک اچ تاجدار ختم نبوت کانفرنس دے نال خطاب کریسن۔جیندے اچ تمام تحصیلاں توں عاشقان رسول کثیر تعداد اچ شرکت کریسن۔