پاکستان دا مالدیب ایچ ایمرجنسی دی حمایت توں انکار
پاکستان دا مالدیب ایچ ایمرجنسی دی حمایت توں انکار
اسلام آباد(سرائیکی نیوز) وزیر اعظم شاہد خاقان عباسی نے مالدین اچ صدر عبداللہ یامین دی طرفوں ایمرجنسی دے نفاذ دی حمایت توں انکار کریندے ہووے واضح کیتا ھِ کہ پاکستان ݙوجہے ملکاں دے معاملات اچ عدم مداخلت دی پالیسی تے عمل پیرا ھِ تے او ایں ضمن اچ اقوام متحدہ دے منشور اچ شامل اصولاں دی پاسداری جاری رکھیسی۔ گزشتہ روز وزہر اعظم تے مالدیب دے وزیر خارجہ ڈاکٹر محمد عاصم نے ملاقات کیتی جو صدر یامین دے خصوصی نمائندے دی حیثیت توں ٨ فروری کوں تریھ روزہ دورے تے پاکستان پھجے ھن ۔ تفصیلات نال آگاہ کریندے ہووے ھک سرکاری ذرائع نے ڈسایا کہ وزیر اعظم نے مالدین دے وزیر خارجہ کوں آکھے کہ پاکستان ایمرجنسی دے انتہائی متنازعہ اقدام دے بعد مالدین دے صدر دا ساتھ ݙیوݨ دا کوئی ارادہ نی رکھیندا۔ وزیر اعظم دے ھک قریبی ساتھی نے ناں نا ظاہر کرن دی شرت تے ڈسایا کہ شاہد خاقان دا آکھن ھا کہ اساں ٢٠٠٧ اچ ایں وقت دے آمر پرویز مشرف دے ایمرجنسی نفاذ دی مذمت کیتی ھائی چنانچہ اساں مالدین اچ ایمرجنسی دی حمایت کیویں کر سکدے ھیں جیتھاں سپریم کورٹ کوں نشانہ بنڑایا ویندا پئے مالدیپ دے وزیر خارجہ نے وزیر اعظم پاکستان کوں مالدین دے دورے دی دعوت وی ݙیتی لیکن انہاں نے شائستہ انداز اچ معذرت کریندے ہووے آکھیا کہ موجودہ حالات اچ دورہ کرن مناسب کینی۔ ایتھاں وزیر اعظم افس توں جاری اعلامیے دے مطابق مالدیب دے وزیر خارجہ نے وزیر اعظم کوں انہاں حالات بارے آگاہ کیتا جو اوتھاں ایمرجنسی دے نفاذ دا پیش خیمہ ثابت تھئے ھن انہاں نے خطے اچ امن و استحکام کیتے پاکستان دے اقدامات واسطے مالدین دی حمایت دا اعادہ کیتے۔
