شام نے حدود اچ بمباری کرݨ والے اسرائیلی ایئرکرافٹ کوں ڈھا ݙیتا
شام نے حدود اچ بمباری کرݨ والے اسرائیلی ایئرکرافٹ کوں ڈھا ݙیتا
دمشق (سرائیکی نیوز) خانہ جنگی دا شکار شام نے ھک اسرائیلی طیارے کوں ڈھا ݙیتا، اسرائیلی فوج دا آکھن ھا کہ طیارے کوں اینٹی ایئر کرافٹ دے نال ڈھایا گئے۔ اسرائیلی فوج دی طرفوں جاری بیان اچ آکھا گئی اھِ کہ انہاں دا ایف 16 جیٹ طیارہ شامی علاقے اچ بمباری اچ مصروف ھا کہ ایں دوران ھک اینٹی ایئر کرافٹ میزائل دا نشانہ بنڑاں جیندے نتیجے اچ طیارہ تباہ تھئی گئیا مزائل حملے دے بعد طیارے اچ موجود ڈونہیاں پائلٹس بحفاظت نکل تے اسرائیلی حدود تک پھجن اچ کامیاب تھئی گئے جناں کوں علاج واسطے ہسپتال منتقل کر ݙیتا گئیا ۔ طیارے تے حملے دے بعد اسرائیلی نے جوابی کارروائی کریندے ہووے شام دی حدود اچ ایرانی تنصیبات تے بمباری کر ݙیتی اردن تے شام دی سرحدی علاقیاں اچ رھاون والے لوگاں دا آکھن ھا کہ انہاں دے علاقے اچ بہوں زیادہ گولہ باری دی آوازاں سنڑیاں گئیاں ھن۔ ڈوجہے پاسے شام دے سرکاری ذرائع دا آکھن ھ کہ اسرائیل دی طرفوں شام دی فوجی چھاونڑیں تے ہفتے دے روز حملہ کیتا گئیا ھا جیندے جواب اچ اے کارروائی عمل اچ گھن آئی گئی۔
