کفایت شعاری اقدامات، مانیٹرنگ کمیٹی دا پہلا اجلاس، عملدرآمد دا جائزہ
اسلام آباد (اے پی پی)وزیر خزانہ اسحاق ڈار دی اڳواݨی اچ حکومت دی جاری کیتی ڳئی سادگی پالیسی اتے کفایت شعاری اقدامات تے عملدرآمد دے جائزے کیتے مانیٹرنگ کمیٹی دا پہلا اجلاس تھئے۔ اجلاس اچ کابینہ دے سادگی اقدامات تے عملدرآمد بارے سیکرٹری خزانہ تفصیلی بریفنگ ݙتی۔ سیکرٹری خزانہ آکھیا جو وزارتاں اتے ڈویژنز کوں سادگی اقدامات تے عمل دے احکامات جاری کرݙتن۔ سارے وفاقی سیکرٹریز کوں وزارتاں اتے ڈویژنز دے کرنٹ بجٹ اچ 15 فیصد کٹوتی دی ہدایات سودھا کمیٹی وزارتاں کوں اجلاس سݙݨ دی بجائے ٹیلی کانفرنس کرݨ دا آکھیا۔ کمیٹی وزراء توں لگژری گاڑیاں ولا ڳھنݨ دے فیصلے تے مکمل عملدرآمد دی ہدایت کیتی۔
