لاہور(سرائیکی نیوز) سانحہ ماڈل ٹاون واسطے طاہر القادری دی طرفوں کانڈھے تے آئی اے پی سی دا مشترکہ اعلامیہ متفقہ طور تے منظور کر گھیدا ، آل پارٹیز کانفرنس دے بعد پاکستان دے عوامی تحریک دے سربراہ ڈاکٹر طاہر القادری دا آکھن ھا کہ سانحہ ماڈل ٹاون دے تمام امور تے مشاورت تھئی ، ڈیڈ لائن تے آئندہ دے لائحہ عمل تے گالھ مہاڑ تھئی قرار داد د ڈرافٹ قمرالزمان کائرہ نے تیار کیتا، کمیٹی اچ تمام جماعتاں دے نمائندے شامل ھن
اعلامیہ دے مطابق اے پی سی ختم نبوت دے قانون اچ ترمیم دی شدید الفاظ اچ مذمت کریندی ھِ تجاوزات ہٹاون دے بھانے لوگاں کوں زخمی کیتا گئیا سانحہ ماڈل ٹاون اچ چوڈہ لوگ شہید تھئے ن لیگ اقتدار اچ رھاون دا جواز ونجا چکی ھِ
انہاں آکھیا کہ اے پی سی مطالبہ کریندی ھِ ذمہ داراں کوں کڑی سزا ڈیتی ونجے جنہاں افراد کوں شہید کیتا گئیا ھِ او ریاست دے شہری ھن انہاں کوں انصاف ڈیواون دی جدوجہد سب دی ذمہ داری ھِ شہداء ماڈل ٹاون دے ورثا صرف کمیشن دی رپورٹ حاصل کر سکے ھن، صاف تے شفاف انصاف تے ملزمان دا ٹرائل نا ممکن ھِ جسٹس باقر نجفی کمیشن نے شہباز شریف ، رانا ثناء اللہ کوں ذمہ دار کھڑایا۔
اے پی سی نے شہباز شریف ، رانا ثناء اللہ دے استعفی دے آخری تاریخ ٧ جنوری تک کر ڈیتی آکھا گئیا ھِ اگر استعفے نا آئے تاں ٨ جنوری کوں آئندہ دا لائحہ عمل طے کریسوں تے نال ھی آکھا کہ چیف جسٹس سانحہ ماڈل ٹوان دا سوموٹو نوٹس گھنن جے آئی ٹی تشکیل ڈیتی ونجے جیندی نگرانی جج خود کرن ۔ شریف خاندان کوں این آر او نا ڈیتا ونجے۔ ماورائے قانون ریلیف قوم قبول نہیں کرے گی اسٹینڈنگ کمیٹی تشکیل ڈیتی گعی ھِ کمیٹی ہنگامی حالت اچ فیصلے کرن دی مجاز ہوسی۔
ڈاکٹر طاہر القادری نے آکھیا کہ تمام جماعتاں کوں ایں فیصلے اچ شریک کیتا گئیا ھِ ڈوجہی جماعتاں دی تیاریاں منصوبہ بندی واسطے وقت درکار ھا احتجاج صرف لاہور تے ملک گیر وی تھئی سکدے، دھرنا تھئی سکدے، انہاں نے آکھیا کہ تحریک قصاص پچھوں کینی گئی ۔ اساڈی جماعت تنہا کینی تمام جماعتاں دی ذمہ داری گھن گھیدی ، ھن شہید پوری قوم دے شہید تھئے گئن جو اعلان کریسن صرف اساڈے کلھے دا اعلان نا ہوسی ، ھن مشترکہ طور تے قاتلاں کوں انجام تک پھجایا ویسی۔
