وزیر اعظم شہباز شریف دی کونسل آف پاکستان نیوز پیپرز ایڈیٹرز (سی پی این ای) دے نویں منتخب عہدیداراں کوں مبارخ
لاہور ۔27مئی (اے پی پی):وزیراعظم محمد شہباز شریف کونسل آف پاکستان نیوز پیپرز ایڈیٹرز (سی پی این ای) دے نویں منتخب عہدیداراں کوں مبارخ ݙتی اے ۔وزیر اعظم آفس دے میڈیا ونگ توں جاری بیان موجب وزیراعظم ارشاد عارف کوں صدر، انور ساجدی کوں سینئر نائب صدر اتے اعجازالحق کوں سیکرٹری جنرل منتخب تھیوݨ تے دلوں مبارخ دا پیغام ݙیندے ہوئیں سارے نویں منتخب عہدیداراں کیتے نیک تمناواں دا اظہار کیتے۔ وزیر اعظم آکھیے “سی پی این ای’ اہل قلم اتے صحافت دے ممتاز ناواں دا ھک خوبصورت گلدستہ اے ،تساڈا انتخاب ‘سی پی این ای’ اچ شامل آپ دے ساتھیاں دا تساں تے اعتماد دا مظہر اے،سی پی این ای’ دی صحافت اتے صحافیاں دی فلاح و بہبود اتے بہتری کیتے کوششاں اچ حکومت بھرپور تعاون کریسی ۔وزیر اعظم آکھیے نویں منتخب عہدیداراں کیتے دعا اے جو او آپݨی ذمے واریاں اچ سرخرو تھیون تے اپݨی کمیونٹی دے اعتماد تے پورے لہن ۔
