ملک کوں ترقی و خوشحالی دی راہ تے سٹݨ کیتے فوری فیصلیاں دی لوڑھ اے، صدر مملکت ڈاکٹر عارف علوی
لاہور۔22فروری(اے پی پی)صدر مملکت ڈاکٹر عارف علوی آکھیے جو ملک کوں ترقی و خوشحالی دی راہ تے سٹݨ کیتے فوری فیصلیاں دی لوڑھ اے، سست فیصلہ سازی قومی ترقی دی راہ اچ رکاوٹ اے، محتسبین سرکاری اداریاں دی بدانتظامی دے خلاف متاثرہ شکایت کنندگان کوں فوری اتے معیاری انصاف ݙیوݨ اچ بہترین کردار ادا کیتے۔ اے ڳالھ انہاں گورنر ہائوس لاہور اچ وفاقی انشورنس محتسب ولوں انشورنس محتسب دے افسران، کمپنیاں دے سی ای اوز اتے ایم ڈیز دے اعزاز اچ تھیوݨ آلی تقریب نال خطاب اچ آکھی۔ انہاں آکھیا جو پاکستان اچ ترقی دی ودھ صلاحیت اے ایں سانڳے فوری فیصلے کرݨے ہوسن، میرت تے پکا یقین اے، انشا اللہ پاکستان دی سمت بدلسی کیوں جو پاکستان اچ اڳو ودھݨ دے ودھ مواقع اتے باصلاحیت نوجوان موجود ہین۔
صدر مملکت انشورنس کمپنیاں دے نمائنداں اتے انشورنس محتسب افسران کوں بہترین کارکردگی تے اعترافی شیلڈز وی ݙتن۔
