راولپنڈی(سرائیکی نیوز) ڈی جی آئی ایس پی آر دا امریکا کوں ڈو مور دے جواب تے ڈو ٹوک جواب ، انہاں امریکا کوں ڈسا ڈیتے ھِ کہ امداد نی اعتماد چاھیدے
آئی ایس پی آر دے ڈائریکٹر جنرل میجر جنرل آصف غور نے آکھئے کہ پاکستان امریکا دے بہوں چنگے تعلقات رھے ھن اساں برائے فروخت کینی ، اساں امریکا توں امداد نی اعتماد چاھندے ھیں اساں تے افغانستان دی جنگ مسلط کیتی گئی پاکستان نے دہشت گرداں دے خلاف جو کم کیتے او کہیں نی کیتا اساڈے جوہری اثاثے محفوظ ھن تے ایندا اعتراف امریکا وی کر چکے اساڈے جوہری اثاثیاں دا ھک مضبوط و مستحکم میگنزم ھِ افغتانسان اچ جنگ امریکا تے ایندے اتحادیاں نے لڑی ھِ میں بھارت دا سبھ توں زیادہ سیز فائر معاہدے دی خلاف ورزیاں کیتیاں ، بھارت آزاد کشمیر اچ معصوم شہریاں کوں نشانہ بنڑیندے پئے ۔
انہاں نے آکھیا کہ پاکستان تے امریکا دے درمیان شروع توں چنگے تعلقات رھے ھن تاھم ایندے اچ مختلف اوقات اچ نشیب و فراز وی آندے رھے ھن انہاں نے آکھیا کہ ڈونہاں ملکاں دے درمیان بہترین تعاون دی تاریخ موجود ھِ
انہاں آکھیا کہ اساڈا دفاعی تعاون وی بہوں بہتر ھِ 70 دی دہائی اچ افغانستان اچ سوویت جنگ دے دوران پاکستان دا کافی تعاون ھا انہاں نے آکھیا کہ دہشت گردی دے خلاف جو جنگ چلدی پئی ھِ کیا او پاکستان دے تعاون دے بغیر ممکن ھائی، کیا القاعدہ دے خلاف آپریشن پاکستان تے پاکستانی فورسز دے تعاون دے بغیر ممکن ھا
انہاں آکھیا کہ پاکستان ایں حوالے نال امریکا دے نال مکمل معاونت کیتی ھِ تے دہشت گردی دے خلاف جنگ جو شروع توں اساڈی نا ھائی بلکہ اساں تے مسلط کیتی گئی ھائی اساں ایندے اچ وی امریکا دے نال تعاون کیتا تے ایندے نال نال رھے افغان سرحداں توں داخل تھیون والی ایں جنگ دا مقابلہ وی کیتا
