چینی وزارت خارجہ دی ترجمان ماوننگ آکھیا کہ چین ، پاکستان دے معاشی تے سماجی استحکام دی کوششاں اچ تعمیری کردار ادا کرݨ پاروں تمام فریقان نال مشترکہ کوششاں دا مطالبہ کیتا ھِ ۔
چینی وزارت خارجہ دے مطابق اپنڑیں روزانہ پریس بریفنگ دے دوران ترجمان ماوننگ توں پوچھا گئیا کہ عالمی ریٹنگ ایجنسیز موڈیز تے فچ دا آکھݨ ھا کہ جون تک پاکستان تے ٧ ارب ڈالر دا قرض واجب الادا ھِ جیندے اچ چین دے قرضے وی شامل ھن کیا قرضے لھائے ویسن۔ ایں تے ترجمان وزارت خارجہ دا آکھݨ ھا کہ میں ایں تے تفصیل پاروں تساں کوں چینی اعلی حکام نال رجو کرݨ دا آکھیساں۔ ترجمان وزارت خارجہ آکھیا کہ اپنراں اصولی موقف پیش ڈسیندی چلاں کہ چین تے پاکستان ہمہ موسمی اسٹریتجک تے تعاون تے مبنی شراکت دار تے آئرن برادر ھن۔
ماوننگ آکھیا کہ ڈونہاں ملکاں میشہ ھک ڈوجھے دے ڈوکھ سکھ اچ نال رھاندے ھن تے ھک دوجہے دے بانھ بیلی بنڑے ھن، چین پاکستان دے نال قریبی اقتصادی تے مالی تعاون کریندا رھیا ھِ تے اقتصادی استحکام برقرار رکھݨ ، عوامی زندگی کوں بہتر بنڑاوݨ تے خود ساختہ ترقی دے حصول کیتے ایندی کوشش اچ مدد کریندا رھیا ھِ
ترجمان وزارت خارجہ آکھیا کہ میں ڈساوݨ ضروری سمجھدی ھاں کہ ھک مخصوص ترقی یافتہ ملک دی بنیاد پرست مالی تے مالیاتی پالیسی تے انہاں دے سنگین اثرات پاکستان تے دیگر ترقی پزذیر ملکاں کوں درپیش مالی مشکلات دی بنیادی وجہ ھن ماوننگ آکھیا کہ ترقی پذیر ملک تے سبھ توں زیادہ قرضیاں دا بوجھ مغربی زیر غلبہ تجارتی قرض دھندگان تے کثیر جہتی مالیتی اداریاں دا ھِ انہاں آکھیا کہ چین پاکستان دے معاشی تے سماجی استحکام دی کوششاں اچ تعمیری کردار ادا کرݨ پاروں تمام فریقین نال مشرترکہ کوششاں کرݨ دا مطالبہ کریندا ھِ
