مظفرڳڑھ: شوگر مل اچ بھاہ لڳݨ نال ݙو بندے جاں بحق تے ہک زخمی

مظفرڳڑھ۔ 26 جنوری (اے پی پی) شوگر مل اچ بھاہ لڳݨ نال ݙو بندے جاں بحق تے ہک زخمی تھی ڳیا ۔ ریسکیو ذرائع دے مطابق کوٹ ادو دے علاقے سنانواں اچ واقع شیخو شوگر مل دے زیرِ تعمیر یونٹ دے رہائشی کیمپس اچ شارٹ سرکٹ پاروں بھاہ لڳی، جیندے نتیجے اچ ݙو نینگراں جھلس تے دم توڑ ݙتا۔ جاں بحق تھیوݨ آلیاں اچ 18 سالہ حسنین رضا (سکنہ جھنگ) تے 23 سالہ نعمان (سکنہ فتح پور، ضلع لیہ) شامل ہن۔ لاشاں کوں ریسکیو 1122 دی ٹیم آر ایچ سی ہسپتال سنانواں منتقل کر ݙتے اتے بھاہ تے قابو پا گھدا ڳئے۔