آئل ٹینکر اغواء تے تیل چوری دءِ الزام ءچ جمشید دستی گرفتار

ملتان ۔ سابق رکن قومی اسمبلی جمشید دستی کون آئل ٹینکر دے عملے دے اغواء تے تیل چوری کرݨ دے الزام ءچ ملتان توں گرفتار کر گھیدا، جمشید دستی جمعرات کوں مقدمے ءچ ضمانت کیتے ھائی کورٹ ویندے پئے ھن کہ ملتان پولیس نے ھائی کورٹ دے نیڑے کینٹ دے علاقے توں انہاں کوں گرفتار کر گھیدا ۔

مقدمے ءچ نامزد جمشید دستی دے ساتھیاں کوں کجھ ݙینھ پہلے گرفتار کیتا گئیا ھا ھݨ انہاں کوں وی گرفتار کرݨ دے بعد مظفر گڑھ منتقل کر ݙیتا گئیا ھِ ۔

مقدمے ءچ جمشید دستی دے ٢ سابقہ گن مین ، پولیس اہلکار تے ٥ دیگر ساتھیاں وی نامزد ھن ، یاد رھاوے کہ مظفر گڑھ دے چوک قریشی پولیس نے سابق رکن اسمبلی جمشید دستی تے انہاں دے ساتھیاں دے خلاف آئل ٹینکراں دے ڈرائیور تے ھیلپر تے اغواء تے لکھاں روپے مالیت تیل چوری کرݨ دا مقدمہ درج کیتا ھا

پولیس نے پاکستان پینل کوڈ دی دفعہ ، ١٧١، ١٧٠، ٣٦٥، ٣٩٥ دے تحت جمشید دستی تے انہاں دے ساتھیاں دیخلاف مقدمہ درج کر تے تریھ بندیاں کوں گرفتار کر گھیدا ، پولیس ذرائع دے مطابق ٢٤ دسمبر دی رات ڈیرہ غازی خان توں ملتان ونجݨ والے آئل ٹینکر کوں پولیس وین نے مظفرگڑھ دے نیڑے روکا۔ ٹینکر روکݨ دے بعد ایلیٹ فورس دی وردی ءچ بندیاں ڈرائیور تے ھیلپر سمیت ٹینکر کوں نامعلوم مقام تے گھن گئے جیتھاں ݙونہیں بندیاں کوح بدھݨ دے بعد ٤٠ لکھ مالی تدے تیل کوں ݙوجہے ٹینکر ءچ منتقل کر ݙیتا ملزم نے ڈرائیور تے ھیلپر کوں ݙو ݙینھ تے حبس بے جا ءچ رکھا جیندے بعد انہاں کوں رھا کر ݙیتا۔

واقعے دے تریھ ݙینھ بعد آئل ٹینکر دے مالک ڈرائیور دے نال ضلعی پولیس دے افسر ندیم عباس دے کول پھجے تے انہاں وکں ایں واقعے دے بارے آگاہ کیتا، ڈی پی او نے شہر دے ڈی ایس پی عظمت گرومانی دی زیر سربراھی ءچ ھک ٹیم تشکیل ݙیتی جئیں نے تحقیقات دے بعد ایلیٹ فورس دے اہلکار فرخ شہزاد کوں گرفتار کیتا جئیں اقرار جرم کر گھیدا ، تفتیش دے دوران مشتبہ ملزمان نے پولیس کوں ڈسایا کہ سابق رکن قومی اسمبلی جمشید دستی تے انہاں دے ساتھی ایں مجرم ءچ ھک عرصے توں مصروف ھن