مظفرگڑھ،گھر آلے نال جھیڑے تے تریمت خود کوں بھاہ لاڈتی ،ہسپتال منتقل

مظفرگڑھ ۔   (اے پی پی)گھر آلے نال جھیڑا تھیونڑ پاروں تریمت خود کوں بھاہ لاڈتی ، تفصیل موجب مظفرگڑھ دے نیڑے وستی ھیڈ بکائنی اچ عمران سکھانی اتے ایندی ذال شبانہ دے درمیان وٹہ سٹہ دے معاملے تے جھیڑا تھیا عمران سکھانی آپ دے سورھے فداحسین سکھانی کوں فون کرتے شبانہ کوں گھن ونجنڑ دا آکھیا جیں تے شبانہ خود کوں کمرے اچ بند کرتے ڈیزل سٹ تے خود کوں بھاہ لاءڈتی۔

گھر آلیں دروازہ بھن تے بھاہ وسمائی شبانہ کوں تحصیل ھیڈکوارٹر ھسپتال جتوئی منتقل کرڈتا جتھاں اوندا علاج جاری اے ۔ پولیس تھانڑاں جتوئی متاثرہ تریمتا دا ڈاکٹ جاری کرڈتے تاں جو حالی تئیں کوئی قانونی کاروائی اچ نی گھن آئی گی ۔ پولیس آکھیے جو فریقین دی درخواست ڈیونڑ تے قانونی کاروائی عمل اچ گھن آئی ویسی ۔

Similar Posts

Leave a Reply

Your email address will not be published. Required fields are marked *