فلسطینیاں وانڳوں جموں تے کشمیر دی عوام وی اقوام متحدہ دی سلامتی کونسل دی قرارداداں تے عمل درآمد کوں ݙیکھدی پئی اے، ترجمان دفتر خارجہ

اسلام آباد۔26اکتوبر  (اے پی پی) پاکستان آکھیا جو مشرق وسطیٰ اچ پائیدار امن ݙو ریاستی حل اتے 1967 توں پہلے دی سرحداں تے ہک محفوظ، قابل عل، اتے خودمختار فلسطینی ریاست نال ممکن اے جئیں دا دارالحکومت القدس الشریف ہووے۔ دفتر خارجہ دی ترجمان ممتاز زہرہ بلوچ خمیس کوں پریس بریفنگ اچ آکھیا جو فلسطین اچ اسرائیلی قابض افواج ولوں لاتے ڳئے اقدامات کوں بھارت آپݨے غیر قانونی قبضے اچ جموں تے کشمیر اچ انسانی حقوق دی خلاف ورزیاں اتے مقبوضہ علاقے دی آبادیابی نوعیت کوں بدلݨ دی غیر قانونی کوشش نال نقل کیتے۔ ترجمان آکھیا جو فلسطینیاں وانڳوں جموں تے کشمیر دی عوام وی اقوام متحدہ دی سلامتی کونسل دی قرارداداں تے عمل درآمد کوں ݙیکھدی پئی اے۔ترجمان آکھیا جو کل جنوبی ایشیا دی تاریخ دے ہک کالے ݙینھ دے 76 سال پورے تھی ویسن۔ بھارتی قابض فوج 27 اکتوبر 1947 کوں جموں تے کشمیر اچ آپݨا غاصبانہ قبضہ کیتا۔ پاکستان کشمیریاں دی سیاسی، اخلاقی اتے سفارتی حمایت اوں ویلھے تئیں کریندا رہسی جڈاں تئیں او اقوام متحدہ دی سلامتی کونسل دی قرارداداں دے مطابق حق خودارادیت نی ڳھندے۔