نگراں وزیراعظم دی طرفوں انتخابات دی تاریخ دا اعلان غیر قانونی ہوسی ،پرائس کنٹرول کمیٹیاں دے میکنزم کوں بحال کیتا ڳئے ،غیر قانونی طور تے رہݨ آلے پناہ گزیناں کوں واپس بھیجا ویسی ، نگراں حکومت میڈیا دی آزادی تے یقین رکھیندی اے ،انوار الحق کاکڑ

اسلام آباد۔15ستمبر(اے پی پی):نگراں وزیراعظم انوار الحق کاکڑ آکھیے نگراں حکومت جتنے ویلھے تئیں رہسی بھرپور طریقے نال کم کریسی ، انتخابات دی تاریخ نگراں وزیراعظم نی ݙے سڳدا ، انتظامی مداخلت دے ذریعے عوام کوں جیڑھا وی ریلیف ݙے سڳیے، ضرور ݙیسوں تے ایں حوالے نال کوئی وسلائی برداشت نہ کیتی ویسی ، پٹرولیم مصنوعات دیاں قیمتاں عالمی مارکیٹ نال جڑیاں ہوئیاں ہن ، غیر قانونی طور تے رہݨ آلے افغان پناہ گزیناں کوں واپس بھیجا ویسی ، کرنسی دی غیر قانونی صنعت دے خلاف کریک ڈائون جاری رہسی ، سمگلنگ دے حوالے نال زیرو ٹالرنس دی پالیسی اے، ذمہ واراں دے خلاف کریک ڈائون کریندے پیوں انسداد دہشت گردی کیتے ایپکس کمیٹیاں کوں متحرک کیتا ڳئے ، میڈیا تے قدغناں دا تاثر درست کائنی، بلاخوف تے ݙر قانون دی عملداری یقینی بݨائی ویسی ۔ اے ڳالھ انہاں جمعہ کوں اتھاں الیکٹرانک میڈیا دے نمائندیں نال ڳالھ مہاڑکریندے ہوئیں آکھی اے ۔ وزیراعظم آکھیے اڄ صوبائی وزراء اعلیٰ، چیف سیکرٹریز اتے آئی جیز دے اجلاس اچ اہم فیصلے کیتے ڳئن تے نگراں حکومت جیڑھیاں ہدایات ݙتیاں ہن انہاں تے عملدرآمد دا جائزہ ڳھدا ڳئے ، ذخیرہ اندوزی، سمگلنگ اتے بجلی چوری روکݨ سانڳے اہم فیصلے کیتے ڳئن تے انہاں تے عملدرآمد اتے مانیٹرنگ دے میکنزم تے وی غور کیتا ڳئے ۔ وزیراعظم آکھیے موجودہ مالیاتی بحران اچ مہانگ، منافع خوراں اتے ذخیرہ اندوزاں دے ہتھوں پسی عوام کوں انتظامی مداخلت دے ذریعے جیڑھا وی ریلیف ممکن ہوسی ݙتا ویسی تے ایندے اچ کوئی کوتاہی نہ کیتی ویسی اتے حکومتی اقدامات نظر آسن ۔ ھک سوال دے جواب اچ وزیراعظم آکھیے نگراں حکومت  ھک مہینہ رہے یا 1.5 اے غیر اہم اے ، جتنے وی عرص کیتے نگراں حکومت رہسی بھرپور طریقے نال کم کریسی ۔ وزیراعظم آکھیے سمگلنگ، بجلی چوری اتے ذخیرہ اندوزی روکݨ اچ کوئی وسلائی برداشت نہ کیتی ویسی پٹرولیم مصنوعات دیاں قیمتاں بین الاقوامی مارکیٹ نال جڑئن ، 200 یونٹ تئیں دے بجلی صارفین توں قسطاں اچ ٻل وصول کرݨ دے حوالے نال فیصلہ وختی کیتا ویسی۔ غیر قانونی پناہ گزیناں دے حوالے نال سوال دے جواب اچ وزیراعظم آکھیے افغان پناہ گزیناں دی ترائے کیٹگریز ہن، ھک او ہن جیڑھے رجسٹرڈ ہن ، ݙوجھے او بغیر ویزہ اتے قانونی دستاویزات نال رہندے پئن ، تریجےے وا ہن جنہاں نقلی دستاویزات بݨائیاں ہوئیاں ہن ، ترائی کیٹگریز دے حوالے نال پالیسی بݨا ڳھدی ڳئی اے، غیر قانونی طور تے رہݨ آلے پناہ گزیناں کوں واپس بھیجا ویسی ۔