بیجنگ۔2جون (اے پی پی):چین آکھیے جو پاکستان آپݨی معشیت کوں بہتر بݨاوݨ دی بھرپور صلاحیت رکھیندے تے او ہمیشہ ایندے رلے کھڑے۔
چینی وزارت خارجہ دے سابق ترجمان ژاؤ لی جیان چین دے خارجہ امور دے ماہر محمد مہدی نال ملاقات اچ آکھیے جو علاقائی تے بین الاقوامی چیلنجز دے مقابلے اچ پاکستان کلھا کائنی کیوں جو چین پاکستان دی ترقی کیتے ہمیشہ ایندے رلے کھڑے ۔ ملاقات اچ محمد مہدی ون چائنا پالیسی دی حمایت کریندے ہوئیں آکھیے پاکستان ایں ڳالھ تے یقین رکھیندے جو اے چین دا آئینی حق اے اتے او ایں بارے چین دے واضح موقف دی تائید کریندے ۔
ایں توں انڄ چینی پارلیمنٹیرینز دی طرفوں محمد مہدی دے اعزاز اچ ݙتے ڳئے عشائیہ دے دوران پاک ۔چین تعلقات کوں مستحکم کرݨ ،سانجھی دلچسپی دے امور، علاقائی ،امن،ترقی ،پاک۔چین تعاون کوں ودھارا ݙیوݨ تے سی پیک دی موجودہ صورتحال تے ڳالھ مہاڑ کیتی ڳئی۔
