اسلام آباد: وفاقی وزیر داخلہ رانا ثناء اللہ نے آکھیا ھِ کہ مذاکرات کیتے اگر عمران خان سنجیدگی ظاہر کرن تاں قیادت جواب ڈیسی، سبھ توں پہل تاں عمران خان وزیر اعظم شہباز شریف نال رابطہ کرن۔ الیکشن توں بھجݨ والیاں اچوں کینی۔ اکتوبر اچ انتخابات تھیسن۔ انہاں خیالات دا اظہار وفاقی وزیر داخلہ نے امریکی میڈیا کوں انٹرویو ڈیندے ہووے آکھیا۔
ھک سوال دے جواب اچ انہاں آکھیا کہ ھݨ عمران خان نال مذاکرات کیتے تاں شہدا دے لواحقین دی طرفوں سخت رد عمل آسی۔ لیکن ایندے باوجود عمران خان سنجیدہ ھن تاں او شہباز شریف نال رابطہ کر سکدے ھن ۔ نو مئی واقعات دے دوران شر پسند عناصر جناح ہاوس توں ، جو کور کمانڈر دا گھر وی ھِ لیب ٹاپ تے دیگر حساس دستاویزات وی لٹ کر گھدے ھن جنہاں فوج ھی برآمد کریسی۔
وفاقی وزیر داخلہ آکھیا کہ عمران خان فون کر تے وزیر اعظم کوں میڈی ھائی کورٹ اچ پیشی دے بعد تساڈے کول آندا پیا ھاں ۔ او اج وی سیاست داناں دے نال بھاوݨ کوں تیار کینی۔ سابق وزیر اعظم مذاکراتی کمیٹیاں بنڑیندے ھن۔ لیکن سیاست داناں دے نال خود کیوں نی بہہ سکدے۔ اگر عمران خان گالھ مہاڑ پاروں ونجیدگی ظاہر کرن تاں قیادت مثبت جوا ب ڈیسی۔
سرائیکی نیوز
