اسلام آباد: ملک اچ ودھدی مہنگائی تاریخ دی بلند ترین سطح تے پھج گئے ، مئی اچ مہنگائی تخمینے توں ٤ فیصد زیادہ رہی ۔ تعلیم ، صحت ، بجلی ، گیس تے ایندھن سمیت ہر شہ مہنگی، پاکستان اچ مہنگائی تاریخ دی بلند ترین سطح ٣٨ فیصد تک پھج گئی۔ وزارت خزانہ نے مئی اچ مہنگائی دا تخمینہ ٣٤ توں ٣٦ فیصد لایا ھا تاہم مہنگائی اچ اضافہ ایں توں وی زیادہ رھیے۔
وفاقی ادارہ شماریات دے مطابق شہری علاقیاں اچ مہنگائی ٣٥۔١ فیصد دی سطح تے ریکارڈ کیتی گئی جبکہ دیہاتاں اچ مہنگائی ٤٢ فیصد دی بلند ترین سطح تے پھج گئی ۔ وفاقی ادارہ شماریات دی طرفوں جاری مہنگائی دے اعداد و شمار دے مطابق قومی سطح تے ھ سال اچ کھاوݨ پیوݨ دی چیزاں ٤٨ فیصد تے بساں دے کرائے ٥٣ فیصد مہنگے تھئے۔
ایف بی ایس دے مطابق تفریحی سہولتاں پچھلے سال دی نسبت ٧٢ فیصد مہنگی تھئی ریسٹورنٹ تے ہوٹل چارجز اچ ٤٢ فیصد ودھاوا تھیا۔ ادارہ شماریات دا آکھݨ ھا کہ گزریل سال دی نسبت تعلیم ساڑھے ٨ فیصد ، صحت سہولیات ١٩ فیصد توں ودھ مہنگی تھئی تے بجلی گیس تے ایندھن پچھلے سال توں ٢٠ فیصد مہنگے تھئے کپڑے جوتیاں وی ٢٢ فیصد مہنگے ۔ رپورٹ اچ کھاوݨ پیوݨ دی چیزاں دی قیمتاں دا ماہانہ موازنہ وی پیش کیتا گئیا جیندے بعد آلو ١٧ فیصد ، مرغی ١١ فیصد ، آٹا ٦ فیصد ، کپڑے ٥ فیصد ۔ دالیں مصالے کھیر سے سگریٹاں دی قیمت وی ودھ گئی۔ سرائیکی نیوز
