تہران: چینی وزارت خارجہ دے نائب وزیر نے ایرانی سفیر نال گالھ مہاڑ کریندے ہووے آکھیا کہ تہران تے بیجنگ دے درمیان جامع تے اسٹریٹیجک تعاون تے اشتراک ھِ ۔ علاقائی تے بین الاقوامی سطح تے ڈونہیں ملک ھک ڈوجے دے نال رھاسن۔
چین دی وزارت خارجہ دے نائب وزیر نے چین اچ ایرانی سفیر دے نال ملاقات کیتی تے باہمی تعلقات تے گالھ کریندے ہووے ڈونہیں ملکاں دے درمیان تعاون کوں فروغ ڈیوݨ دا عزم ظاہر کیتا ھِ
چین اعلی سفارت کار دینگ گھیدی نے محمد کشاورز زادہ نال ملاقات دے دوران آکھیا کہ ایرانی سفیر نے ڈونہاں ملک دے درمیان تجارتی تعلقات کوں فروغ ڈیوݨ پاروں بہترین کردار ادا کیتا ھِ ۔ ایران تے چین دے درمیان علاقائی تے بین الاقوامی سطح تے جامع تے وسیع تجارتی تعاون جاری ھن جنہاں آکھیا کہ چین ایران دے خطے دے ممالک نال تعلقات اچ فعال کردار ادا کریسی۔ ڈونہاں ملکاں خطے تے عالمی سطح تے سیکیورٹی ، امن دی بحالی تے ترقیاتی منصوبیاں اچ مشترکہ کم کریسن۔
ایں موقع تے ایرانی سفیر نے آکھیا کہ ایران نے عالمی تے دیگر مسائل تے ہمیشہ چین دے مفادات دا خیال رکھیندا ھِ آساں ڈونھیں ملکاں دے درمیان مختلف شعبیاں اچ تعاون تے مشترکہ مفادات تے ھک ڈوجہے دے نال مزید تعاون کرݨ چاھندے ھن انہاں مزید آکھیا کہ تران سعودی عرب دے نال تعلقات دی بحالی اچ چین دے مثبت کردار کرں چنگا آکھیندے ہووے امید کیتی کہ آئندہ وی چین ایں خطے اچ امن تے استحکام پاروں اپنڑاں کردار ادا کریندا رھاسی۔
