اسلام آباد: پاکستان تے عالمی مالیتی ادارے دے درمیان اسٹاف لیول معاھدے دی بحالی توں پہل آئی ایم ایف نے پاکستان تے زور ڈیندے ہووے آکھیا ھِ کہ ملک اچ جاری سیاسی عدم استحکام کوں آئین دے مطابق حل کیتا ونجے۔
تفصیل دے مطابق نویں مالی سال دا بجٹ پیش تھیوݨ اچ ڈھا ڈینھ باقی ھن لیکن آئی ایم ایف دے نال اعلی سطح تے رابطہ دے باوجود اسٹاف لیول معاہدہ تاحال نہ تھئی سکا۔
پاکستان پاروں آئی ایم ایف دے مشن چیف نیھتن پورٹر دا بیان وی سامنڑیں آیا ھِ جیندے اچ انہاں آکھیا ھ کہ آئی ایم ایف بورڈ دے اجلاس پاروں پاکستانی حکام دے نال رابطہ اچ ھیں تے ہر گالھ مالی سال ٢٠٢٤ دے بجٹ تے مرکز ھِ
وزارت خزانہ دے ذرائع دے مطابق قرض پروگرام دی بحالی پاروں وزیر اعظم شہباز شریف تے ایم ڈی آئی ایم ایف کرسٹالینا جارجیوا دے درمیان رابطہ تھیا۔ آئی ایم ایف نے اسٹاف لیول معاھدے تے بورڈ میٹنگ پاروں ضروری پیشگی اقدامات تے زور ڈیتا۔ جنہاں اچ مناسب بیرونی فنانسنگ ، آئی ایم ایف دے فریم ورک دے مطابق نویں بجٹ دی تیاری، ریونیو اچ اضافہ تے مارکیٹ بیسڈ ایکسچینج ریٹ دی پالیسی تے سختی نال عمل درآمد شامل ھِ
حکام وزارت خزانہ دے مطابق نویں بجٹ دے حوالے انل آئی ایم ایف دے نال معلومات شیئر کیتیاں ویسن۔ آئی ایم ایف نے معاھدے پاروں سیاسی معاملات آئین دے مطابق حل کرݨ تے وی زور ڈیتا ھِ ۔ یاد رھاوے کہ پاکستان تے آئی ایم ایف دے درمیان نویں اقتصادی جائزہ مذاکرات ٣١ جنوری توں ٩ فروری تک جاری رھاسن یندے بعد ورچوئل مذاکرات دے وی کئی راؤنڈ تھئی چکے ھن ۔ واضح رھاوے کہ ساڑھے ٦ ار ڈالر دے تریھ سالہ قرض پروگرام اچ پاکستان وکں ھݨ تک ٣ اعشاریہ ٩ پوائنٹ ارب ڈالر ھی حاسل تھئے تے آئی ایم ایف نے پاکستان وکں ٣٠ جون تک ٢ اعشاریہ ٦ پوانٹ ارب ڈالر فراہم کیتے ھن۔
